ايماقتا العاش رەت ءوتىپ وتىرعان حالىقارالىق وقىتۋ ءىس-شاراسىن امستەردام جاھاندىق دەنساۋلىق ساقتاۋ جانە دامۋ ينستيتۋتى (AIGHD), قر دەنساۋلىق ساقتاۋ مينيسترلىگىنىڭ قازاق دەرماتولوگيا جانە ينفەكتسيالىق اۋرۋلار عىلىمي ورتالىعى, AFEW Kazakhstan جانە AFEW International كوممەرتسيالىق ەمەس ۇيىمدارى وتكىزىپ وتىر.
الماتى قالاسىنداعى ەكى كۇندىك سەمينارعا قازاقستان, رەسەي, ۋكراينا, بەلارۋس, وزبەكستان, قىرعىزستان, تاجىكستان, گرۋزيا جانە باسقا دا ەلدەردەن بەلگىلى زەرتتەۋشىلەر جينالدى. سەمينارعا قاتىسۋشىلار عىلىمي بازانى كۇشەيتۋ جانە ايماقتاعى جاعدايدى جاقسارتۋ ماقساتىندا ايتۆ, تۋبەركۋلەز (تب), گەپاتيتتەردى ەمدەۋ جونىندەگى سوڭعى عىلىمي زەرتتەۋلەرمەن ءبولىسىپ, تاجىريبە الماسادى.
«شەوا INTERACT عىلىمي پىكىرتالاستا, تاجىريبە الماسۋدا تۋىنداعان ماسەلەلەردى تالقىلاۋدا ءتيىمدى فورۋم بولادى دەپ ۇمىتتەنەمىن. الداعى جانە ۇزاق مەرزىمدى كەلەشەككە قاجەتتى اكتسەنتتەردى قولدانۋعا, قاتىسۋشىلارعا وسى ماسەلەلەردە جاڭا ادىستەرمەن, زەرتتەۋلەرمەن, تىڭ تاسىلدەرمەن تانىسۋعا مۇمكىندىك بەرەدى. جۇمىستار لايىقتى باعالانىپ, كەرى بايلانىستار جولعا قويىلادى. عىلىمي ورتا مەن ودان ءارى ىنتىماقتاستىق پەن ينۆەستيتسيالاۋ گەوگرافياسى كەڭەيتىلەدى. بۇل جۇمىس يۋنەيدس 90-90-90 ماقساتتارىنا قول جەتكىزۋ ءۇشىن قاجەت», – دەيدى شەوا INTERACT 2019 سەمينارىنىڭ جەرگىلىكتى كوميتەتىنىڭ باسشىسى, قر دەنساۋلىق ساقتاۋ مينيسترلىگىنىڭ قازاق دەرماتولوگيا جانە ينفەكتسيالىق اۋرۋلار عىلىمي ورتالىعىنىڭ ديرەكتورى باۋىرجان بايسەركين.
حالىقارالىق ۇيىمداستىرۋ كوميتەتى شەوا NTERACT-2019 سەمينارىنا دايىندىق بارىسىندا يننوۆاتسيالىق ءتاسىل پايدالانىلىپ, باعدارلاما الەمنىڭ ءتۇرلى ەلدەرىنەن ايتۆ, تب جانە گەپاتيت سالاسىنداعى بەلگىلى ساراپشىلاردى قامتىدى.
الداعى ۋاقىتتا شەوا INTERACT جىل سايىن وتكىزىلەتىن ءىس-شاراعا اينالىپ, بارلىق ەلدەردىڭ عالىمدارىنا ءوز جاڭالىقتارىن كورسەتۋگە مۇمكىندىك بەرۋ ءۇشىن شەوا ايماعىنىڭ ءتۇرلى مەملەكەتتەرىندە وتەتىن بولادى.
الماتى
