كاسىپكەرلىكتى دامىتۋعا قوسقان قوماقتى ۇلەسى ءۇشىن الماتى تورىندە ماراپاتتالعان ءبىر توپ كاسىپ يەلەرى – قوعامداعى ءتۇرلى تۇيتكىلدىڭ ءتۇيىنىن تارقاتىپ, الەۋمەتتىك كاسىپكەرلىكتىڭ سان سالاسىندا اينالاسىنا شۋاعىن شاشقان جىگەرلى جاندار. ءبىلىم بەرۋ, ەكولوگيا جانە وسال توپتارمەن جۇمىس ىستەۋ سالالارىندا ۇزدىك ۇلگى تانىتقاندار 500 مىڭ تەڭگە كولەمىندە سىياقىعا يە بولدى. ءبىرىنشى كەزەڭدە فيناليستەردى ۇكىمەتتىك ەمەس ۇيىمداردان تۇسكەن وتىنىمدەر نەگىزىندە وتاندىق جانە شەتەلدىك ەكسپەرتتىك ۇيىمدار وكىلدەرىنەن قۇرالعان ارناۋلى كوميسسيا تاڭداعان ەدى. ال ولاردىڭ اراسىنان جۇزدەن جۇيرىك شىققانداردى ونلاين داۋىس بەرۋ ارقىلى ەل تۇرعىندارى انىقتاعان بولاتىن.
سونىمەن ء«Ózgerىs ustasy» رەسپۋبليكالىق سىيلىعىندا Salem Social Village ۇجىمى, «كومۋنيتيپليۋس» مادەنيەت, الەۋمەت جانە ءبىلىم بەرۋدى دامىتۋ قورى», «ايالاعان الاقان» قوعامدىق قايىرىمدىلىق قورى الەۋمەتتىك كاسىپكەرلىكتىڭ ءبىلىم سالاسىنداعى ۇزدىك ۇلگىسى نوميناتسياسىندا جەڭىمپاز دەپ تانىلدى. ال الەۋمەتتىك وسال توپتاردى قولداۋ سالاسىنداعى الەۋمەتتىك كاسىپكەرلىكتىڭ ۇزدىك ۇلگىسى اتالىمىندا «ەرەكشە ءومىر» مۇگەدەك بالالاردى اقپاراتتىق-ۇيلەستىرۋ رەسۋرستىق قولداۋ ورتالىعى», «جامبىل وبلىسىنىڭ كوممەرتسيالىق ەمەس ۇيىمدارىنىڭ قاۋىمداستىعى» زاڭدى تۇلعالار بىرلەستىگى, «Ski Park Pioneer» جشس, اعابەك قارابەكوۆ اتىنداعى قوعامدىق قور, «JARQYN BOLASHAQ» جاستار قوعامدىق قورى, «سترانا ماستەروۆ» مۇگەدەكتەردىڭ قوعامدىق قورى, «مولدىركوز» قوعامدىق بىرلەستىگى, «پسيحواناليتيچەسكايا اسسوتسياتسيا» قوعامدىق بىرلەستىگى, «فەدەراتسيا پاۋەرليفتينگا ي جيما لەجا مانگيستاۋسكوي وبلاستي» قوعامدىق بىرلەستىگى جۇزدەن جۇيرىك اتاندى.
«ارناۋ» دامۋ ورتالىعى» قوعامدىق بىرلەستىگى, «جايىق-كاسپي ورحۋسس ورتالىعى» كورپوراتيۆتىك قورى, EcoWasteAktau ۇجىمى تۇڭعىش رەت تابىستالىپ وتىرعان ء«Ózgerىs ustasy» سىيلىعىنىڭ ەكولوگيا سالاسىندا كوش باستادى.
سونىمەن بىرگە الەۋمەتتىك كاسىپكەرلىكتى قولداۋ بويىنشا كورپوراتيۆتى سەكتوردىڭ ۇزدىك باستاماسى نوميناتسياسىندا Chevron كومپانياسى, «ۇزدىك مەملەكەتتىك شارا» اتالىمىندا سامۇرىق-قازىنا تراست, حالىقارالىق ينستيتۋتتىڭ ۇزدىك باستاماشىسى رەتىندە حالىقارالىق دامۋ جونىندەگى اقش اگەنتتىگى دارا شىقتى.
جەڭىمپاز دەپ تانىلعاندار بيزنەس پەن قوعام اراسىندا ديالوگ ورناتىپ قانا قويماي, ەل ازاماتتارىنىڭ ءومىر ساپاسىن جاقسارتۋعا ۇلەس قوسقان ۇجىمدار.
«بۇگىن ءبىز قازاقستانداعى الەۋمەتتىك كاسىپكەرلىكتىڭ العاشقى قارلىعاشتارىن قۇرمەتتەدىك. ولاردىڭ بىرەگەيلىگى – الەۋمەتتىك ماسەلەلەردىڭ شەشىمىن تابۋىندا عانا ەمەس, شەشىمدى تۇراقتى بيزنەس مودەلدەرگە نەگىزدەي وتىرىپ شەشۋىندە. قاراپايىم تىلمەن ايتقاندا, ولار ءبىزدىڭ قوعامعا كومەكتەسەدى ءارى وسى قىزمەتى ارقىلى تابىس تابادى جانە حالىقتىڭ الەۋمەتتىك ءالسىز توپتارىنا اقشا تابۋعا مۇمكىندىك بەرەدى. اتى ايتىپ تۇرعانداي «ÓZGERIS USTASY» – قوعامعا وزگەرىس اكەلەتىن ەلىمىزدىڭ ناعىز كاھارماندارىن, وزگەرىس ۇستالارىن انىقتايتىن بايقاۋ. وسى كىسىلەر ءبىزدىڭ جاس ۇرپاعىمىزعا ۇلگى بولۋى كەرەك», دەيدى ImpactHub الماتى باسشىسى ينديرا شاح.
بۇگىنگى تاڭدا ەلىمىزدە 150-گە جۋىق الەۋمەتتىك كاسىپكەر بەلسەندى قىزمەت ەتىپ كەلەدى. كەش بارىسىندا ولاردىڭ العاشقى رەسپۋبليكالىق رەەسترىنىڭ تانىستىرىلىمى ءوتىپ, بۇل سالاداعى ەلىمىزدىڭ ەڭ بەلسەندى ايماقتارى انىقتالدى. ۇزدىكتەردى ماراپاتتاۋ ءراسىمى ونەر جۇلدىزدارىنىڭ كونتسەرتىنە ۇلاسىپ, كاسىپكەرلەر قولىنان شىققان ەرەكشە ونىمدەر جارمەڭكەسى كوپشىلىك نازارىنا ۇسىنىلدى.
ء سوز ورايى كەلگەندە وسىناۋ ايرىقشا جوبانى «Act for Impact» (Impact Hub Almaty) كورپوراتيۆتىك قورى اقپارات جانە قوعامدىق دامۋ مينيسترلىگىنىڭ قولداۋىمەن «ازاماتتىق باستامالاردى قولداۋ ورتالىعى» (ۇەاق) گرانتى اياسىندا ۇيىمداستىرعانىن ايتا كەتكەن ءجون.
الماتى
