قازاقستان • 15 قاراشا، 2019

سەناتور ءلاززات سۇلەيمەن اقمولا وبلىسىنداعى سوتتاردا بولدى

125 رەتكورسەتىلدى

پارلامەنت سەناتىنىڭ دەپۋتاتى ءلاززات سۇلەيمەن اقمولا وبلىسىنىڭ سوتتارىندا بولىپ، «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سوتتان تىس جانە سوتقا دەيىنگى داۋلاردى رەتتەۋ ينستيتۋتتاردى دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسىن ازىرلەۋ اياسىندا ولاردىڭ قىزمەتىمەن تانىستى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

وبلىستىق سوتتىڭ توراعاسى دوسجان ءامىروۆ سوت قىزمەتىمەن تانىستىرىپ، «مەدياتسيا تۋرالى» زاڭىن جۇزەگە اسىرۋ جونىندەگى اتقارىلعان جۇمىستار مەن وڭىردەگى مەدياتسيا ينستيتۋتىن دامىتۋ، سونداي-اق ەلىمىزدىڭ جوعارعى سوتىنىڭ «تاتۋلاسۋ: سوتقا دەيىن، سوتتا» پيلوتتىق جوباسى اياسىندا تاتۋلاستىرۋ راسىمدەرىن قولدانۋ تۋرالى حاباردار ەتتى. سوتتارداعى تاتۋلاسۋ كابينەتتەرى، قازاقستان حالقى اسسامبلەياسى جانىنداعى دوستىق ۇيىندەگى تاتۋلاسۋ ورتالىقتارى، كاسىپوداق ورتالىعى، وبلىس اۋداندارى مەن بيلەر كەڭەستەرى جانە مەكتەپ مەدياتسيا قىزمەتى تۋرالى ايتىلدى.

2018 جىلى اقمولا وبلىسىنىڭ سوتتارى مەدياتسيانى قولدانۋ ارقىلى 3339 ءىس قارالدى، ول 9،4 پايىزدى قۇرادى، ال اعىمداعى جىلدىڭ 9 ايىندا 3045 ءىس نەمەسە 11،2 پايىزى قارالدى. 123 بي كەڭەسى قۇرىلىپ، ولاردىڭ قاتىسۋىمەن 331 ءىس قارالدى.

ساپار بارىسىندا كوكشەتاۋ قالالىق سوتىنا جانە كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتتا تاتۋلاسۋ راسىمدەر بويىنشا ۇيلەستىرۋشى-سۋديالارمەن، ادۆوكاتتارمەن، مەدياتورلارمەن، نوتاريۋستارمەن، پسيحولوگتارمەن جانە باسقا دا ماماندارمەن كەزدەسۋ بولدى.

ۇكىمەتتىك ەمەس ۇيىمدارمەن جانە ساراپشىلارمەن كەزدەسۋ بارىسىندا «مەدياتسيا تۋرالى» زاڭعا تۇزەتۋلەر ازىرلەۋگە بايلانىستى ماسەلەلەر تالقىلاندى. سونداي-اق قازىرگى وزەكتى ماسەلەلەر مەن ولاردى شەشۋ مۇمكىندىكتەرى، سونداي-اق وسى سالاداعى قولدانىستاعى زاڭناماعا وزگەرىستەر ەنگىزۋ بويىنشا ۇسىنىستار ايتىلدى.

جۇزدەسۋگە قاتىسۋشىلار تاتۋلاسۋ راسىمدەردى جانە داۋلاردى رەتتەۋدىڭ بالاما ادىستەرىن قالىپتاستىرۋ ماسەلەلەرى بويىنشا تۇزەتۋلەردى ازىرلەۋدىڭ ماڭىزدى ەكەنىن اتاپ ءوتتى.

سوڭعى جاڭالىقتار

سىياقى قورى – بەس ميلليارد تەڭگە

ايماقتار • بۇگىن، 16:18

ەلىمىزدىڭ ءوسۋ جولى دەپ ءبىلدىم

قازاقستان • بۇگىن، 15:41

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۇقساس جاڭالىقتار