ەكونوميكا • 15 قاراشا، 2019

ۇلتتىق ۆاليۋتامىزدىڭ اينالىمعا ەنگەنىنە 26 جىل!

32 رەتكورسەتىلدى

الماتى اكىمى باقىتجان ساعىنتاەۆ قارجىگەرلەردى ۇلتتىق ۆاليۋتا كۇنىمەن قۇتتىقتاپ، قارجىلىق تۇراقتىلىق پەن كاسىبي تابىس تىلەدى.

«بۇگىن الماتىدا ەلىمىزدىڭ بارلىق قارجىگەرلەرى نارىق جانە ەكونوميكانىڭ ناقتىلى سەكتورىنىڭ وزەكتى ماسەلەلەرىن تالقىلاۋدا. ۇلتتىق ۆاليۋتا تەڭگە جانە كاپيتالمەن جۇمىس ىستەيتىندەردىڭ كاسىبي مەرەكەسى كۇنى ءداستۇرلى كەزدەسۋ ءوتتى. قارجىلىق تۇراقتىلىق پەن كاسىبي تابىس تىلەيمىن!»، دەپ جازدى قالا اكىمى twitter پاراقشاسىندا.

وسىدان 26 جىل بۇرىن 1993 جىلدىڭ 12 قاراشاسىندا قازاقستاننىڭ تۇڭعىش پرەزيدەنتى نۇرسۇلتان نازارباەۆ ۇلتتىق ۆاليۋتا ەنگىزۋ تۋرالى جارلىققا قول قويدى. اراعا ءۇش كۇن سالىپ، قازاقستاننىڭ ۇلتتىق ۆاليۋتاسى - تەڭگە اينالىمعا ەندى.    1992 جىلدىڭ 27 تامىزىندا ۇلتتىق بانك تەڭگە كۋپيۋراسىنىڭ ۇلگىلەرىن بەكىتتى. ەرتەسىنە ۇلتتىق ۆاليۋتانى ازىرلەۋگە كىرىسكەن تيمۋر سۇلەيمەنوۆ، مەڭدىباي الين، اعىمسالى دۇزەلحانوۆ، قايروللا ابجالەلوۆتەر انگلياعا اتتاندى. العاشقى ءتول تەڭگەمىز ۇلىبريتانيانىڭ ايگىلى  «حارريسون جانە ۇلدارى» فابريكاسىندا باسىلىپ شىقتى.

وسىلايشا، قازاق دالاسىنىڭ ۇلى تۇلعالارى ال-فارابي، ابىلاي، اباي، جامبىل، ءسۇيىنباي، شوقانداردى بەينەلەگەن العاشقى تەڭگەلەر جارىققا شىقتى. ولاردىڭ اينالىمعا تۇسكەنى شىن تاۋەلسىزدىكتىڭ كورىنىسى بولدى.

2006 جىلى 15 قاراشا كۇنى ۇلتتىق ۆاليۋتامىزدىڭ جاڭا ديزاينمەن ارلەنگەن 200، 500، 1000، 2000، 5000 جانە 10000 تەڭگەلىك بانكنوتتارى اينالىمعا ەندى. ديزاين مەملەكەتتىك رامىزدەردى، ەلىمىزدىڭ ساۋلەت نىساندارى مەن تابيعي لاندشافتارىن بەينەلەي وتىرىپ، قازاقستاننىڭ وسى زامانعى بەينەسىن بەرەدى. 2007 جىلدىڭ مامىر ايىندا تايلاندتا وتكەن ۆاليۋتا كونفەرەنتسياسىندا 10 مىڭدىق تەڭگەمىز «ۇزدىك جاڭا بانكنوت» اتالىمى بويىنشا ءبىرىنشى ورىنعا يە بولدى.

ال تەڭگەنىڭ 20 جىلدىعىنا 20 مىڭدىق بانكنوتتار جاسالدى.

سوڭعى جاڭالىقتار

اۋىر اتلەتتەر كاتارعا اتتانادى

اۋىر اتلەتيكا • كەشە

كوپبالالىلارعا كومەك

ايماقتار • كەشە

كۇلكى كەرۋەنى № 22

رۋحانيات • كەشە

فاريزا اقىننىڭ ۇستازى

رۋحانيات • كەشە

ۇقساس جاڭالىقتار