ساياسات • 15 قاراشا، 2019

اسقار مامين ازيا دامۋ بانكىنىڭ پرەزيدەنتى تاكەحيكو ناكاومەن كەزدەستى

25 رەتكورسەتىلدى

پرەمەر-مينيستر اسقار مامين قازاقستانعا رەسمي ساپارمەن كەلگەن ازيا دامۋ بانكىنىڭ (ادب) پرەزيدەنتى تاكەحيكو ناكاونى قابىلدادى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى. 

«قازاقستان ازيا دامۋ بانكىنە قوسىلعان ورتالىق ازياداعى العاشقى مەملەكەت. بيىل ءبىزدىڭ ناتيجەلى ىنتىماقتاستىعىمىزعا 25 جىل تولدى. ءبىز ادب-نى قازاقستاندا جۇزەگە اسىرىلعان جوبالار سانى بويىنشا حالىقارالىق قارجى ۇيىمدارىنىڭ ىشىندە كوشباسشىلاردىڭ ءبىرى بولىپ تابىلاتىن ستراتەگيالىق سەرىكتەس رەتىندە قاراستىرامىز»، — دەدى ا. مامين.

1994 جىلدان باستاپ ادب قازاقستاندا قارجى، ينفراقۇرىلىم، ەنەرگەتيكا، كوممۋنالدىق قىزمەتتەر سەكتورى جانە باسقا سالالاردى دامىتۋ بويىنشا مەملەكەتتىك جوبالاردى ىسكە اسىرۋ ءۇشىن $5،1 ملرد استام قارىز قاراجاتىن ءبولدى. بۇگىنگى تاڭدا جالپى قۇنى $3،8 ملرد قۇرايتىن 30-عا جۋىق جوبا تولىقتاي جۇزەگە اسىرىلدى.

ادب $49 ملن-عا كولىك جانە اۋىل شارۋاشىلىعى كەشەندەرى، ءبىلىم بەرۋ، دەنساۋلىق ساقتاۋ، شاعىن جانە ورتا بيزنەستى دامىتۋ جانە باسقا سالالاردا 100-گە جۋىق تەحنيكالىق كومەك جوبالارىن قارجىلاندىردى. كولىك جانە كوممۋنالدىق سەكتورلاردى، مال شارۋاشىلىعىن جانە ت.ب. سالالاردى جاڭعىرتۋ بويىنشا جەكە سەكتور جوبالارىن ىسكە اسىرۋعا $628 ملن استام قاراجات ءبولىندى.

تاراپتار اۋىل شارۋاشىلىعى سالاسىنداعى جانە «اۋىل – ەل بەسىگى» جوباسى اياسىندا اۋىلدى دامىتۋدى قولداۋ، تۇرعىن ءۇي قۇرىلىسى، تۋريزم جانە قر ەكونوميكاسىنىڭ باسقا دا سالالارىنداعى ىنتىماقتاستىقتى ودان ءارى دامىتۋ پەرسپەكتيۆالارىن تالقىلادى.

ت. ناكاو ادب اياسىنداعى ورتالىق ازيانىڭ ايماقتىق ەكونوميكالىق ىنتىماقتاستىق باعدارلاماسىن جۇزەگە اسىرۋداعى قازاقستاننىڭ ەلەۋلى ۇلەسىن جانە دامۋعا رەسمي كومەك باعدارلاماسىنا دونور رەتىندە بەلسەندى قاتىسۋىن اتاپ ءوتتى.

سوڭعى جاڭالىقتار

سىياقى قورى – بەس ميلليارد تەڭگە

ايماقتار • بۇگىن، 16:18

ەلىمىزدىڭ ءوسۋ جولى دەپ ءبىلدىم

قازاقستان • بۇگىن، 15:41

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۇقساس جاڭالىقتار