قازاقستان • 15 قاراشا، 2019

ەلوردادا فاريزا وڭعارسىنوۆا كوشەسى اشىلدى

60 رەتكورسەتىلدى

ەكسپو-2017 ماڭىنداعى «ۆەنا ورامى» تۇرعىن ءۇي كەشەنى جانىنداعى جاڭا كوشەگە فاريزا وڭعارسىنوۆانىڭ ەسىمى بەرىلدى.

جاڭا كوشەنى اقىننىڭ ۇلى الماس وڭعارسىنوۆ پەن نۇر-سۇلتان قالاسى اكىمىنىڭ ورىنباسارى باقتيار ماكەن سالتاناتتى تۇردە اشتى.

«قازاقتىڭ ۇلى اقىنى، دارا قىزى فاريزا اپامىزدىڭ كوشەسىنە كەلگەندەرىڭىز ءۇشىن راحمەت. وتكەندى ۇمىتپاي، ەسكە الىپ، جاڭا كوشەلەردىڭ بىرىنە فاريزا اپامىزدىڭ ەسىمىن بەرىپ وتىرمىز. فاريزا وڭعارسىنوۆا وتكىر سوزدەرىمەن سوۆەت ادەبيەتىندە ءوز ورنىن قالدىردى. اپامىز پارلامەنت قابىرعاسىندا دا حالىقتىڭ مۇڭىن جوقتاپ، كوپ ەڭبەك ءسىڭىردى. سوندىقتان قازاقتىڭ وسىنداي ۇلى قىزىنىڭ ەسىمىن كوشەگە بەرۋ كەلەسى ۇرپاققا دا تاربيەلىك ماڭىزىن بەرەدى دەپ ويلايمىن. اپامىزدىڭ اتى ماڭگى وشپەسىن. بۇگىن تۇستە فاريزانىڭ رۋحىنا اس بەرەمىز، قازىر زيراتىنا بارىپ قۇران باعىشتايمىز. وسى كوشە اپامىزدىڭ ەسىمىمەن داڭعىل جولعا اينالسىن»، دەدى نۇر-سۇلتان قالاسى اكىمىنىڭ ورىنباسارى باقتيار ماكەن.

سونداي-اق اشىلۋعا كەلگەن جازۋشى جانە قوعام قايراتكەرى الدان سمايىل فاريزا وڭعارسىنوۆا تۋرالى ەستەلىكتەرىمەن ءبولىستى.

«اقىنىن سىيلاعان ەلگە ارۋاق تا، اللا دا ريزا بولادى. فاريزا كەڭ ادام ەدى، مىنەزى قاتتىلاۋ بولعانىمەن، جان-جاعىنا جاقسىلىق جاساپ جۇرەتىن شالقار جان ەدى. مىنا كوشەنىڭ دە وزىندەي كەڭدىگىن كورىپ، قۋانىپ وتىرمىز. فاريزا اقيقاتتىڭ اقىنى بولدى، شىندىقتى ايتىپ ءوتتى. شىندىقتى ايتۋدىڭ ءوزى – ەرلىك. ەلدىڭ شىندىعىن، ەلدىڭ مۇڭىن ولە-ولگەنشە كۇيتتەپ كەتتى. ال قازىر فاريزاعا دەگەن حالىقتىڭ شەكسىز ماحابباتىن كورىپ ءجۇرمىز. فاريزا قازاقتىڭ قىزى بولا وتىرىپ، ۇلى دا بولا بىلگەن ادام. قازاق ءوزىنىڭ يگى جاقسىلارىنا ەشكىمدى تەڭگەرمەيدى. بىراق، فاريزانى ماحامبەتكە تەڭەدى. مەن ءدال سونداي ۇلىلارعا تەڭەگەن باسقا قايراتكەرلەردى بىلمەيمىن. فاريزا ءوز زامانىندا ماحامبەتتىڭ ورنىن جوقتاتپاعان، سونى تولتىرۋعا تىرىسقان ۇلى تۇلعالاردىڭ ءبىرى بولدى»، دەدى ول.

كوشەنىڭ سالتاناتتى اشىلۋ راسىمىنە قوعام قايراتكەرلەرى، دەپۋتاتتار جانە اقىننىڭ وقىرماندارى قاتىستى.

ايتا كەتەيىك، بۇگىن 16.00-دە ۇلتتىق اكادەميالىق كىتاپحانادا فاريزا وڭعارسىنوۆانىڭ «شىلدە» جانە «پولدنەۆنىي جار» كىتاپتارىنىڭ تۇساۋكەسەرى وتەدى.

سونداي-اق كەشكى 19:00-دە جاستار تەاترى ساحناسىندا «فاريزا» سپەكتاكلى قويىلادى.

سوڭعى جاڭالىقتار

سىياقى قورى – بەس ميلليارد تەڭگە

ايماقتار • بۇگىن، 16:18

ەلىمىزدىڭ ءوسۋ جولى دەپ ءبىلدىم

قازاقستان • بۇگىن، 15:41

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۇقساس جاڭالىقتار