قوعام • 15 قاراشا، 2019

جيىرما نازارباەۆ زياتكەرلىك مەكتەبى CIS حالىقارالىق اككرەديتاتسياسىن الدى

38 رەتكورسەتىلدى

CIS-ءتىڭ شتاب پاتەرى نيدەرلاندىدان استاناعا پەتروپاۆل جانە قوستاناي قالالارىنداعى نازارباەۆ زياتكەرلىك مەكتەپتەرىنىڭ Council of International Schools  (حالىقارالىق مەكتەپتەر كەڭەسى) اككرەديتاتسياسىن العانى جونىندە ءسۇيىنشى حابار جەتتى. بۇل ەكى مەكتەپ اككرەديتتەۋ پروتسەسىن اياقتادى، ەندى بارلىق جيىرما نازارباەۆ زياتكەرلىك مەكتەبى جوعارى ءبىلىم ستاندارتتارىن CIS مويىنداۋىمەن راستادى.

حالىقارالىق مەكتەپتەر كەڭەسى (CIS) – ءبىلىم سالاسىنداعى سوڭعى جاڭالىقتار مەن جوعارعى ستاندارتتاردى ودان ءارى ىلگەرىلەتۋ ءۇشىن قۇرىلعان الەمدەگى ەڭ تانىمال ۇيىم. قازىرگى ۋاقىتتا بەلدى كلۋبقا كوپتەگەن مەملەكەتتەردىڭ فلاگماندىق مەكتەپتەرى مەن وقۋ كەشەندەرى مۇشە. سونىمەن قاتار ۇيىم اككرەديتتەلگەن مەكتەپ تۇلەكتەرىن وقىتۋعا مۇددەلى الەمنىڭ ۇزدىك 50 ۋنيۆەرسيتەتىمەن ىنتىماقتاستىق ورناتقان.

ءار زياتكەرلىك مەكتەپتە CIS  تاۋەلسىز ساراپشىلارى «مەكتەپتىڭ ميسسيا، ۇستانىم جانە قۇندىلىقتارى»، «وقىتۋ مەن وقۋ»، «باسقارۋ جانە كوشباسشىلىق»، «قىزمەتكەرلەر»، «وقۋدىڭ قولجەتىمدىلىگى»، «مەكتەپ مادەنيەتى»، «رەسۋرستارمەن قامتاماسىز ەتۋ» باعىتتارى بويىنشا اۋقىمدى ساراپتاما جۇرگىزدى.

ەڭ كوپ ساراپشىلار اقش، اۆستراليا، انگليا، گەرمانيا، رەسەيدەن كەلدى. ولاردىڭ بارلىعى مۇعالىمدەردىڭ كاسىبي دامۋى، وقۋ پروتسەسىنە وزىق الەمدىك تاجىريبەنى ەنگىزىلۋى، الەۋمەتتىك جوبالاردىڭ ءساتتى جۇزەگە اسۋى، سونىمەن قاتار اتا-انالارمەن ىنتىماقتاستىق جانە مەكتەپتەردەگى دوستىق احۋالدى جوعارى باعالادى.

تاۋەلسىز ساراپشىلار زياتكەرلىك مەكتەپتەردەگى ءتىل ساياساتىنىڭ ماڭىزىن ەرەكشە اتاپ ءوتتى. CIS مەكتەپتەرىن دايارلاۋ جانە باعالاۋ ءبولىمىنىڭ باسشىسى Ed.Maher پاۆلودار ساپارىنان كەيىن NIS ءبىلىم بەرۋ باعدارلاماسى وقۋشىلاردىڭ ۇشتىلدىلىكتىڭ الەمدىك كوشباسشىسى بولۋىنا باعىتتالعان دەپ مويىندادى.

– مەكتەپتە ءۇش تىلدە ءبىلىم الۋعا تاماشا جاعداي جاسالعانى ءبىزدى تاڭقالدىردى. كوپتىلدىلىك پەن مۋلتيمادەني دامۋدى قولداۋ ساياساتىن زياتكەرلىك مەكتەپتەر ستراتەگياسىندا ايقىن كورۋگە بولادى، ەلدىڭ بولاشاق كوشباسشىلارى وسىندا ءبىلىم الۋدا، – دەپ مالىمدەدى كوكشەتاۋعا جاساعان ساپارىنان كەيىن ساراپشىلار توبىنىڭ توراعاسى دجەيمس شۆەتس.  

– مەن كەز – كەلگەن ۋاقىتتا ادامعا كومەكتەسۋگە دايىن، اشىق جانە اقجارقىن وقۋشىلارعا قىزىعا قارادىم. ءبىز وقۋ پروتسەسىنىڭ ۇيىمداستىرىلۋ دەڭگەيىنە جانە سىنىپتاردىڭ جابدىقتالۋىنا جوعارى باعا بەردىك، –  دەپ اتاپ ءوتتى تاراز مەكتەبىندە بولعان كوميسسيا توراعاسى پاتريسيا مەرتين.

بۇگىن CIS  اتقارۋشى ديرەكتورى دجەين لارسسون «2014 جىلى «نازارباەۆ زياتكەرلىك مەكتەپتەرى» دببۇ وكىلدەرىمەن العاشقى كەزدەسۋىمىزدە قىسقا مەرزىمدە اككرەديتتەۋ پروتسەسىن قانشالىقتى اياقتاي الادى دەگەن سياقتى كوپتەگەن سۇراقتار بولدى، سەبەبى CIS تاجىريبەسىندە بۇنداي تاجىريبە بولماعان. ەندى ارتقا قارايلاپ، نازارباەۆ زياتكەرلىك مەكتەپتەرى جوباسى حالىقارالىق ءبىلىم بەرۋ سالاسىنداعى ەڭ ءساتتى جوبالاردىڭ ءبىرى ەكەنىن جانە ولار ءوز ماقساتىنا جەتكەنىن  زور ماقتانىشپەن حابارلايمىز.  20 زياتكەرلىك مەكتەپ CIS  حالىقارالىق اككرەديتاتسياسىن الدى»، دەپ مالىمدەدى.

زياتكەرلىك مەكتەپتەردىڭ جاڭا ستاتۋسى پەداگوگيكالىق ۇجىم مەن وقۋشىلار ءۇشىن جاڭا مۇمكىندىكتەرگە جول اشادى. نازارباەۆ زياتكەرلىك مەكتەپتەرى جۇيەسىنىڭ الەمدىك دەڭگەيدەگى ەليتالىق ءبىلىم بەرۋ ۇيىمىنا ەنۋى بۇكىل ۇلتتىق ءبىلىم بەرۋ ءۇشىن ماڭىزدى وقيعا بولدى.

سوڭعى جاڭالىقتار

اۋىر اتلەتتەر كاتارعا اتتانادى

اۋىر اتلەتيكا • كەشە

كوپبالالىلارعا كومەك

ايماقتار • كەشە

كۇلكى كەرۋەنى № 22

رۋحانيات • كەشە

فاريزا اقىننىڭ ۇستازى

رۋحانيات • كەشە

ۇقساس جاڭالىقتار