دىنمۇحاممەد قوناەۆ مەموريالى ەلىمىزدە 2007 جىلدان بەرى وتكىزىلىپ كەلەدى. 2012 جىلدان بەرى تۋرنير حالىقارالىق دەڭگەيدە ۇيىمداستىرىلا باستادى. ءار جىلدارى قوناەۆ تۋرنيرىندە جەڭىمپاز اتانعان سپورتشىلار قاتارىندا الەم چەمپيوناتتارى مەن وليمپيا ويىندارىنىڭ جۇلدەگەرلەرى بار.
ەركىن كۇرەستەن قازاقستان كومانداسىنىڭ باس باپكەرى اسەت يمانبەكوۆتىڭ ايتۋىنشا, جارىسقا قازاقستان كومانداسى تولىق قۇراممەن قاتىسادى. تەك قۇراما كوشباسشىسى سانالاتىن ءتورت سپورتشى جاراقاتىنا بايلانىستى بوزكىلەمگە شىقپايدى. ولار – نۇريسلام ساناەۆ, دانيار قايسانوۆ, نۇرعوجا قايپانوۆ جانە الىشەر ەرعالي.
جارىستا رەسەي, بولگاريا, تاجىكستان, وزبەكستان جانە قىرعىزستان بالۋاندارى باق سىنايدى.
