رۋحانيات • 15 قاراشا، 2019

قازاقستاننىڭ 700 ءارتىسى رەسەيگە ەستافەتا جولدادى

60 رەتكورسەتىلدى

قازاقتىڭ رۋحاني قۇبىلاسى اباي قۇنانباي ۇلىنىڭ 175 جىل­دىق مەرەيتويىنا وراي باس­تاۋ العان اقىن شى­عارمالارىن وقۋ ەس­تافەتاسىن قوعام قولداپ، الىس-جاقىن شەتەلدىكتەرگە دە جول­داپ جاتتى. ال نۇر-سۇلتان قا­لا­سىنىڭ اكىمدىگى مەملەكەتتىك اكا­­دەميالىق فيلارمونياسىنىڭ 700 ءارتىسى «كوزىمنىڭ قاراسى» ءانىن قو­­سى­لا شىرقاپ، ايدى اسپانعا ءبىر-اق شى­عاردى. بۇل ۇلى ويشىل مەرەيتويى قارساڭىندا ۇيىمداس­تىرىلعان فلەش­موبتاردىڭ ىشىندە قاتى­سۋ­شى­لار سانى جاعىنان رەكوردتىق كورسەتكىش.

مۇنداي اۋقىمدى ءىس-شارا وتكىزىپ، ۇلى اقىن شىعارماشىلىعىنا كوپتىڭ كوڭىلىن اۋدارۋ يدەياسى ۇجىم تاراپىنان ءبىراۋىزدان قولداۋ تاپقان. بۇگىندە قازاقستان استاناسىنىڭ فيلارمونيا­سى قالاداعى جەتەكشى كونتسەرتتىك ۇيىم­داردىڭ ءبىرى بولىپ تابىلادى. وندا 11 شىعارماشىلىق توپ جۇمىس ىستەيدى. اتاپ ايتقاندا قازاق وركەسترى، سيمفونيالىق وركەستر، ۇرمەلى اسپاپتار وركەسترى، ىشەكتى كۆارتەت، كامەرالىق حور، «سارىارقا» حالىق مۋزىكالىق ءانسامبلى، «شالقىما» حالىق بي ءانسامبلى، «قورقىت» ءداستۇرلى مۋزىكا تو­بى، كلاسسيكالىق جانە ەسترادالىق ۆوكال، ءداستۇرلى حالىق ءانى ءبولىمى، «الەم» ەسترادالىق بي ءانسامبلى بار.

ەلوردالىق فيلارمونيانىڭ ابىرو­يىن اسقاقتاتىپ، ماقتانىشىنا اينالعان ونەرپازدار از ەمەس. ولاردىڭ قاتارىندا، قازاق­ستاننىڭ حالىق ءارتىسى نۇرجامال ۇسەنباەۆا، قازاقستان رەسپۋبليكاسىنىڭ ەڭبەك سىڭىر­گەن ءارتىسى مايرا ءىلياسوۆا، قازاقستان رەسپۋب­ليكاسىنىڭ ەڭبەك سىڭىر­گەن قاي­راتكەرلەرى ايتقالي جايىموۆ، ايگۇل قوسا­نوۆا، ەرنار مىڭتاەۆ، بي­بىگۇل جانۇزاق، ازامات جىلتىركوزوۆ، التىناي جوراباەۆا، گۇلزيرا بوكەيحان، «قۇرمەت» وردەنىنىڭ يەگەرى ابدۋراسۋل ەسەكەەۆ، نۇراي تانا­باەۆ، نۇرلان بە­كەنوۆ، شولپان قور­عانبەك، ارايلىم را­حىمقىزى جانە باس­قالارىن ايتۋعا بو­لا­دى.

فيلارمونيانىڭ سوليستەرى مەن مۋزى­كالىق توپتارى ابايدىڭ ايگىلى «جەل­سىز تۇندە جارىق اي» ءانىن اكاپەللادا ورىندادى. باس ديرەكتور ەرلان داكەنوۆ قازاقتىڭ ۇلى اقىنى، كومپوزيتور ءھام جازبا قازاق ادەبيەتىنىڭ نەگىزىن قالاۋشى ابايدىڭ مەرەيتويىن اتاپ ءوتۋ ماڭىزدىلىعىنا توقتالىپ، ەستافەتانى ۇجىم اتىنان قازاقستان جانە رەسەي فەدەراتسياسىنىڭ فيلارمونيالارىنا جولدادى.

سوڭعى جاڭالىقتار

سىياقى قورى – بەس ميلليارد تەڭگە

ايماقتار • بۇگىن، 16:18

ەلىمىزدىڭ ءوسۋ جولى دەپ ءبىلدىم

قازاقستان • بۇگىن، 15:41

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۇقساس جاڭالىقتار