اتالعان سەميناردىڭ ماقساتى – ءتۇرلى حالىقارالىق ۇيىمداردىڭ ميسسيالارى قۇرامىندا شەت مەملەكەتتەرگە سايلاۋعا حالىقارالىق باقىلاۋشىلار رەتىندە شىعاتىن مەملەكەتتىك ورگانداردىڭ, سايلاۋ كوميسسيالارىنىڭ, ۇكىمەتتىك ەمەس ۇيىمداردىڭ وكىلدەرىن وقىتۋ.
قازاقستان رەسپۋبليكاسى ورتالىق سايلاۋ كوميسسياسىنىڭ مۇشەسى اناستاسيا ششەگورتسوۆا, سونداي-اق نۇر-سۇلتانداعى ەقىۇ باعدارلامالار كەڭسەسى باسشىسىنىڭ ورىنباسارى ديانا ديگول قۇتتىقتاۋ ءسوز سويلەدى. ەقىۇ/دياقب كەڭەسشىسى راديۆوە گرۋيچ «حالىقارالىق باقىلاۋ قۇرالدارى جانە داۋلاردى شەشۋ» تاقىرىبىندا تۇساۋكەسەر جاسادى. سونداي-اق سەمينار اياسىندا جاقىندا وتكەن سايلاۋدا حالىقارالىق ميسسيالار قۇرامىنا قر ءسىم ەۋروپا دەپارتامەنتىنىڭ اتتاشەسى نازگۇل ابدراحمان 2019 جىلعى اقپاندا مولدوۆا رەپۋبليكاسىنداعى پارلامەنتتىك سايلاۋدى باقىلاۋ جانە 2019 جىلعى شىلدەدە ۋكرايناداعى پارلامەنتتىك سايلاۋدى باقىلاۋ قورىتىندىلارى بويىنشا «Eurasian Expert Council» قق پرەزيدەنتى شىڭعىس لەپسىباەۆ قاتىستى.
اتالعان سەمينار قازاقستان رەسپۋبليكاسى ورتالىق سايلاۋ كوميسسياسىنىڭ جانە ەقىۇ نۇر-سۇلتان قالاسىنداعى باعدارلامالىق ءوفيسىنىڭ جوبالىق قىزمەتى شەڭبەرىندە جىل سايىن 2008 جىلدان باستاپ وتكىزىلىپ كەلەدى.
