قازاقستان • 14 قاراشا، 2019

اقشا اۋدارىمدارىنا سالىق سالىنبايدى - ءاليحان سمايىلوۆ

60 رەتكورسەتىلدى

بۇل تۋرالى قارجى مينيسترلىگىنىڭ ءباسپاسوز قىزمەتى حابارلادى.

«ارينە، قارجى مينيسترلىگى قولما-قول اقشاسىز تولەمدەردىڭ ءوسۋى كولەڭكەلى ەكونوميكانىڭ تومەندەۋىنە ىقپال ەتەتىنىن تۇسىنەدى.

وسى تۇرعىدا ايتا كەتەتىن ماسەلە، قارجى مينيسترلىگى مۇنداي اۋدارىمداردان قانداي دا ءبىر قوسىمشا تولەمدەر نەمەسە سالىق الۋدى جوسپارلامايدى، ونىڭ ۇستىنە جەكە تۇلعالاردىڭ قولما-قول اقشاسىز اۋدارىمدارىنا تەكسەرۋ جۇرگىزۋ تىپتەن كوزدەلمەيدى.

قولما-قول اقشاسىز تولەمدەردى جۇزەگە اسىرۋ بويىنشا ىڭعايلى جانە قازىرگى زامانعى ينفراقۇرىلىمدى دامىتۋ ءۇشىن ءبىز بانكتەرمەن ەتەنە جۇمىس جاساۋدى كوزدەيمىز.

ال كاسىپكەرلىك قىزمەتكە كەلەتىن بولساق، ول مىندەتتى تۇردە اشىق بولۋى كەرەك. اتاپ ايتقاندا، كاسىپكەرلەر زاڭناماعا سايكەس فيسكالدىق چەكتەر بەرۋگە، 2020 جىلدىڭ 1 قاڭتارىنان باستاپ ونلاين كاسسالىق باقىلاۋ ماشينالارىن پايدالانۋعا مىندەتتى.

سوندىقتان Kaspi-ءدى كاسىپكەرلىك ماقساتتا پايدالاناتىن كاسىپكەرلەر بۇل مىندەتتەمەلەردەن بوساتىلمايدى. تۇبىرتەكتىڭ بولۋى تۇتىنۋشىلار قۇقىعىن قورعاۋ ءۇشىن ماڭىزدى.

ءوز بيزنەسىندە جەدەل اۋدارىمدار جۇيەسىن قولداناتىن كاسىپكەرلەردىڭ كىرىستەرىن اكىمشىلەندىرۋ ماسەلەسىن قارجى مينيسترلىگى پىسىقتاۋدا. مىسالى، ونلاين كاسسالىق باقىلاۋ ماشينالارى مەن اۆتوماتتى تۇردە تولتىرۋ جانە سالىق ەسەپتىلىگىن جونەلتۋ فۋنكتسياسى بار POS-تەرمينالداردى بىرىكتىرۋ ارقىلى كىرىستى اكىمشىلەندىرۋگە بولادى. مۇنداي پيلوتتىق جوبا Kaspi بانكپەن بىرگە كەلەسى جىلى ىسكە اسپاق.

سونىمەن قاتار مەملەكەت باسشىسىنىڭ تاپسىرماسىنا سايكەس 2020 جىلدىڭ 1 قاڭتارىنان باستاپ پاتەنت نەمەسە وڭايلاتىلعان دەكلاراتسيا سەكىلدى ارنايى سالىق رەجيمدەرىن قولداناتىن شاعىن بيزنەس 3 جىلعا سالىق تولەۋدەن جانە تەكسەرۋلەردەن بوساتىلعانىن اتاپ وتكىم كەلەدى.

وسى ماسەلەلردىڭ ءبارىن نازارعا الا وتىرىپ، حالىقتى الىپ-قاشپا اڭگىمەلەرگە سەنبەۋگە شاقىرامىن. ويتكەنى جەكە تۇلعالار ۇشىن الاڭداۋعا نەگىز جوق»، دەلىنگەن حابارلامادا.

سوڭعى جاڭالىقتار

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۆولونتەرلەر باس قوستى

قوعام • بۇگىن، 06:47

ستيپەنديا كوتەرىلەدى

قوعام • بۇگىن، 06:43

ناقتى تاپسىرمالار بەردى

پرەزيدەنت • بۇگىن، 06:27

التىن وردانىڭ اق تاڭى

رۋحانيات • كەشە

ۇقساس جاڭالىقتار