ايماقتار • 14 قاراشا، 2019

الماتىدا العاشقى شەوا INTERACT سەمينارى وتەدى

54 رەتكورسەتىلدى

الداعى 18-19 قاراشادا الماتىدا دەنساۋلىق ساقتاۋ مينيسترلىگىنىڭ قولداۋىمەن شىعىس ەۋروپا مەن ورتالىق ازيا (شەوا) ايماعىنداعى ايتۆ، س گەپاتيتى جانە تۋبەركۋلەز ماسەلەلەرىنە ارنالعان العاشقى شەوا INTERACT-2019 سەمينارى وتەدى.

شەوا INTERACT-2019 سەمينارىنا عالىمدار، دەنساۋلىق ساقتاۋ قىزمەتىنىڭ قىزمەتكەرلەرى، ازاماتتىق قوعام وكىلدەرى جانە شىعىس ەۋروپا مەن ورتالىق ازيا، سونداي-اق ەۋروپا ايماعىنىڭ مەملەكەتتىك شەنەۋنىكتەرى زەرتتەۋ مەن كلينيكالىق بايلانىستاردى نىعايتىپ، ونىڭ الەۋەتىن ارتتىرۋدا شەوا ەلدەرىنىڭ الدىندا تۇرعان ماسەلەلەردى تالقىلاۋ ءۇشىن جينالماق.

ەكى كۇندىك سەمينار شەوا ايماعىنا ونىڭ ىشىندە قازاقستانعا تىكەلەي قاتىسى بار تاقىرىپتارعا، اتاپ ايتقاندا ايتۆ ىندەتىنە قارسى تۇرۋدىڭ جاڭا تابىستارى مەن مول تاجىريبەسىنە ارنالادى.

اسا ماڭىزدى حالىقارالىق شاراعا قازاقستان رەسپۋبليكاسى دەنساۋلىق ساقتاۋ ءمينيسترى ەلجان ءبىرتانوۆ، شىعىس ەۋروپا مەن ورتالىقازياداعى ايتۆ/جيتس جونىندەگى بۇۇ باس حاتشىسىنىڭ ارنايى ەلشىسى ميشەل كازاچكين (فرانتسيا)، UNAIDS شىعىس ەۋروپا مەن ورتالىق ازيا ءۇشىن ايماقتىق قولداۋ توبىنىڭ ديرەكتورى ۆينەي پاتريك سالدانا (شۆەيتساريا)، امستەردام ۋنيۆەرسيتەتىنىڭ جاھاندىق دەنساۋلىق ساقتاۋ كافەدراسىنىڭ دوتسەنتى (نيدەرلاندى) جانە كاناداداعى ماكگيلل ۋنيۆەرسيتەتىنىڭ قوعامدىق دەنساۋلىق ساقتاۋ جانە تۇرعىن حالىق مەديتسينالىق فاكۋلتەتىنىڭ پروفەسسورى كەترين حەنكينس، «پسيحياتريا-ناركولوگيا» مينسك وبلىستىق كلينيكالىق ورتالىعىنىڭ باس دارىگەرى الەكسەي الەكساندروۆ (بەلارۋسسيا)، AFEW International اتقارۋشى ديرەكتورى انكە ۆان دام  (نيدەرلاندى) سىندى ىقپالدى تۇلعالار قاتىسادى.

سوڭعى جاڭالىقتار

التىن وردانىڭ اق تاڭى

رۋحانيات • كەشە

كۇلكى كەرۋەنى № 23

رۋحانيات • كەشە

جاڭعىرعان جامبىل ءوڭىرى

ايماقتار • كەشە

رۋحاني راۋىشتەگى تارتۋ

ايماقتار • كەشە

ۇقساس جاڭالىقتار