«جالپى كورسەتىلگەن كەزەڭگە كومىر ءوندىرۋشى كومپانيالار 93,4 ملن توننا كومىر ءوندىردى, بۇل وتكەن جىلدىڭ سايكەس كەزەڭىمەن سالىستىرعاندا (95,6 ملن توننا) 97,6%-دى قۇرايدى. تومەندەۋ كورسەتكىشى ەنەرگيا ءوندىرۋشى جانە ونەركاسىپتىك كاسىپورىنداردىڭ كومىر ونىمدەرىن تۇتىنۋىنىڭ ازايۋىنا بايلانىستى.
ەكسپورت 24,2 ملن توننا كومىردى قۇرادى نەمەسە وتكەن جىلدىڭ ۇقساس كەزەڭىمەن سالىستىرعاندا 98,1%-دى قۇرايدى.
مينيسترلىكتىڭ 2019-2020 جىلدارعا ارنالعان كوممۋنالدىق-تۇرمىستىق قاجەتتىلىك (كتق) جانە حالىق ءۇشىن كومىر تۇتىنۋ جوسپارىن قالىپتاستىرعانىن اتاپ ءوتۋ كەرەك, وسى جوسپاردىڭ نەگىزىندە جەرگىلىكتى اتقارۋشى ورگاندار اپتا سايىن اقپارات ۇسىنادى.
ماسەلەن, جالپى جوسپارعا قاتىستى كومىر قورىمەن قامتاماسىز ەتۋ (2019 جىلعى 1 مامىردان 2020 جىلعى ساۋىرگە دەيىن) ورتاشا العاندا: كوممۋنالدىق-تۇرمىستىق سەكتور 93,5%; حالىق 79,3% قۇرايدى.
اقتوبە, شىعىس قازاقستان, جامبىل, باتىس قازاقستان, قاراعاندى, قوستاناي, قىزىلوردا, پاۆلودار وبلىستارى, الماتى جانە شىمكەنت قالالارىنىڭ اكىمدىكتەرى كوممۋنالدىق-تۇرمىستىق سەكتور ءۇشىن كومىردىڭ جىلدىق جەتكىزۋ كەستەسىن تولىعىمەن قامتاماسىز ەتتى.
وڭىرلەر بويىنشا كومىر قورلارىمەن قامتاماسىز ەتۋدىڭ تولىق ءتىزىمى كەلەسىدەي:
- اقمولا وبلىسى (كتق – 64,7%, حالىق – 90,3%);
- اقتوبە وبلىسى (كتق – 100%, حالىق – 39,1%);
- الماتى وبلىسى (كتق – 86,5%, حالىق – 81,6%);
- شقو (كتق – 100%, حالىق – 98,5%);
- جامبىل وبلىسى (كتق – 100%, حالىق – 68,2%);
- بقو (كتق – 100%, , حالىق - 100%);
- قاراعاندى وبلىسى (كتق – 100%, حالىق – 85,7%);
- قوستاناي وبلىسى (كتق – 94,2%, حالىق – 99%);
- قىزىلوردا وبلىسى (كتق– 100%, حالىق – 87,1%);
- پاۆلودار وبلىسى (كتق – 100%, حالىق – 95,9%);
- سقو (كتق – 78%, حالىق – 79%);
- تۇركىستان وبلىسى (كتق – 79,2%, حالىق – 62,8%);
- نۇر-سۇلتان ق. (حالىق – 49,5%);
- الماتى ق. (كتق – 100%, حالىق – 70,8%);
- شىمكەنت ق. (كتق – 100%, حالىق – 81,6%).
كوممۋنالدىق-تۇرمىستىق قاجەتتىلىكتەر مەن حالىققا ارنالعان كومىر باعاسى كەسىندى تيەۋ باعاسىنان (ازىرلەۋ شارتتارىنا بايلانىستى تونناسىنا 3-6 مىڭ تەڭگە شەگىندە), جىلجىمالى قۇرامدى تاسىمالداۋعا, قىزمەت كورسەتۋگە ارنالعان تەمىر جول تاريفتەرىنەن, كومىردىڭ بيرجالىق قۇنىنان, سونداي-اق حالىققا كومىر جەتكىزەتىن دەلدال ۇيىمدار مەن جەكە تۇلعالاردىڭ مارجاسىنان قالىپتاسادى.
كوممۋنالدىق-تۇرمىستىق قاجەتتىلىك جانە حالىق ءۇشىن كومىردىڭ باعاسى كومىر رازرەزىنىڭ جونەلتۋ باعاسىنان (ازىرلەۋ جاعدايىنا بايلانىستى تونناسىنا 3-6 مىڭ تەڭگە), تاسىمالداۋعا كەتكەن تەمىر جول تاريفتەرىنەن, جىلجىمالى قۇرامدى كۇتىپ-ۇستاۋ, كومىردىڭ بيرجالىق قۇنىنان, سونداي-اق حالىققا جەتكىزەتىن دەلدالدىق ۇيىمداردىڭ جانە جەكە تۇلعالاردىڭ مارجاسىنان قالىپتاسادى.
قازاقستان رەسپۋبليكاسى ۇكىمەتىنىڭ 2018 جىلعى 29 جەلتوقسانداعى № 936 قاۋلىسىمەن بەكىتىلگەن مينيسترلىك تۋرالى ەرەجەگە سايكەس مينيسترلىك كومىر ونەركاسىبىنىڭ دامۋىنا ء(وندىرۋ جانە ەلىمىزدىڭ ەكونوميكاسى سالالارىن قاجەتتى كولەممەن قامتاماسىز ەتۋگە) جاۋاپ بەرەدى.
كومىردىڭ باعاسىن بەلگىلەۋ جانە ساۋدالىق رەتتەۋ, ساۋدا قىزمەتىن جانە تاۋار بيرجالارى قىزمەتىن رەتتەۋ جانە باقىلاۋ ۇلتتىق ەكونوميكا مينيسترلىگى مەن ساۋدا جانە ينتەگراتسيا مينيسترلىگىنىڭ قۇزىرىنا كىرەدى», دەلىنگەن حابارلامادا.
