ايماقتار • 14 قاراشا، 2019

جانىبەك اۋدانىندا ەت ءوندىرۋ ارتتى

24 رەتكورسەتىلدى

جانىبەك اۋدانى - باتىس قازاقستان وبلىسىنىڭ قيىر باتىسىندا ورنالاسقان ءوڭىر. رەسەيدىڭ ۆولگوگراد وبلىسى پاللاسوۆكا جانە ستارايا پولتاۆا اۋداندارىمەن، سولتۇستىگىندە ساراتوۆ وبلىسىنىڭ نوۆوۋزەنسك، پيتەركا اۋداندارىمەن شەكتەسەتىن اۋدان مال شارۋاشىلىعىن دامىتىپ، ەت ەكسپورتىن كوبەيتىپ كەلەدى.

جانىبەك اۋدانىنداعى بيىلعى جىلدىڭ باسىنان بەرى عانا جاڭادان 20 شارۋا قوجالىعى قۇرىلىپ، ولاردىڭ جالپى سانى 365-كە جەتكەن. اۋدان اكىمى ازامات سافيماليەۆتىڭ ايتۋىنشا، وتكەن جىلمەن سالىستىرعاندا وڭىردە ءىرى قارا مەن جىلقى باسى كوبەيگەن. سونىمەن قاتار شارۋالار ساننان ساپاعا كوشۋگە كىرىسىپتى. ماسەلەن، بيىل جىل باسىنان 111 شارۋا قوجالىعى 349 باس اسىل تۇقىمدى بۇقا، 7 شارۋا قوجالىعى 150 باس اسىل تۇقىمدى قوشقار ساتىپ الىپتى. قوعامدىق مال، ياعني تۇرعىنداردىڭ جەكە يەلىكتەرىندەگى سيىر تابىندارىنا دا 119 باس اسىل تۇقىمدى بۇقا قوسىلىپ، اۋداندا مال تۇقىمىن جاقسارتۋ ءۇشىن جۇيەلى جۇمىس ءجۇرىپ جاتىر ەكەن.

-بيىل ەكسپورتقا 130 توننا ءىرى قارا ەتىن، 45 توننا قوي ەتىن شىعارۋ جوسپارلانعان بولاتىن. كۇنى بۇگىنگە ارمەنيا رەسپۋبليكاسىنا 999،46 توننا ءىرى قارا ەتى (7139 باس) شىعارىلىپ، جوسپار 768%-عا ورىندالسا، رەسەي فەدەراتسياسىنا 79،76 توننا قوي ەتى (3988 باس) ەكسپورتتالىپ، جوسپار 177%-دى قۇرادى دەيدى،- ازامات سافيماليەۆ. 

شارۋالارعا بيىلعى جىلى كۇز جايلى ءتيىپ تۇر. سونىڭ ارقاسىندا مال قىستاعىنا دايىندىق ويداعىداي بولدى. كۇنى بۇگىن اۋىلدىق وكرۋگتەردە 214،10 مىڭ گا شابىندىق جەردەن 104،91 مىڭ توننا ءشوپ جينالىپ الىنعان. اۋدان بويىنشا جاڭادان 31 اۋىلشارۋاشىلىق تەحنيكاسى الىنىپ، تەحنيكالىق بازا 22 پايىزعا جاڭارتىلدعان.

-اۋدان شارۋاشىلىقتارىنىڭ دامۋىنا مەملەكەت تاراپىنان كورسەتىلىپ وتىرعان جۇيەلى قولداۋ دا پايداسىن بەرىپ جتىر. جىل باسىنان 27 شارۋا قوجالىعى 72 ملن 900 مىڭ تەڭگەگە 27 بىرلىك كۇن باتارەياسىن قوندىرىپ، 58 ملن 320 مىڭ تەڭگە سۋبسيديا الدى. 29 شارۋا قوجالىعى 62 ملن تەڭگەگە 31 قۇدىق قازىپ، 49 ملن 600 مىڭ تەڭگە كولەمىندە سۋبسيدياعا يە بولدى. سونىمەن قاتار 48 شارۋا قوجالىعى 28 ملن 800 مىڭ تەڭگەگە تۇراقتى توك تارتاتىن 48 اگرەگات (گەنەراتور) ساتىپ السا، ول قارجىنىڭ 28 ملن 800 مىڭ تەڭگەسى سۋبسيديا تۇرىندە كەرى تولەندى دەيدى،- اۋدان باسشىسى.

بۇدان بولەك «ناتيجەلى جۇمىسپەن قامتۋ» باعدارلاماسى بويىنشا جانىبەك اۋدانىنا 200 ملن نەسيە قاراجات بولىنگەن ەكەن. كۇنى بۇگىن 55 كاسىپكەر 165 ملن 200 مىڭ تەڭگەسىن الىپ، جوسپار 82،6 %-عا ورىندالعان.

سوڭعى جاڭالىقتار

التىن وردانىڭ اق تاڭى

رۋحانيات • كەشە

كۇلكى كەرۋەنى № 23

رۋحانيات • كەشە

جاڭعىرعان جامبىل ءوڭىرى

ايماقتار • كەشە

رۋحاني راۋىشتەگى تارتۋ

ايماقتار • كەشە

ۇقساس جاڭالىقتار