ساياسات • 14 قاراشا، 2019

ساياسي كونسۋلتاتسيالار وزەگى – سەرىكتەستىك

11 رەتكورسەتىلدى

قازاقستان مەن بەلگيا ەكونوميكالىق ديپلوماتياعا باسا نازار اۋدارىپ، ساياسي سالاداعى جان-جاقتى ىنتىماقتاستىقتى جانە حالىقارالىق پلاتفورمالارداعى ءوزارا ءىس-ارەكەتتەردى كۇشەيتۋگە نيەتىن ءبىلدىردى. بۇل كەشە وتكەن قازاقستان-بەلگيا ساياسي كونسۋلتاتسيالارىنىڭ نەگىزگى تاقىرىبى بولدى.

قازاقستان دەلەگاتسياسىن سىرتقى ىستەر ءمي­نيسترىنىڭ ورىنباسارى رومان ۆاسيلەنكو، ال بەل­گيا دەلەگاتسياسىن سىرت­قى ىستەر مينيسترلىگى ەكى­جاقتى ىنتىماقتاستىق دي­رەك­تسياسىنىڭ باس ديرەكتورى انيك ۆان كالستەر باس­قارسا، ديپلوماتتار سايا­­سي، ەكونوميكالىق، ما­دەني جانە گۋمانيتارلىق ىنتى­ماق­تاستىقتىڭ كەڭ اۋقىمدى ماسەلەلەرىن، سونداي-اق حا­لىق­ارالىق كۇن ءتارتىبىن جان-جاقتى تالقىلادى.

ەكونوميكالىق ديپلوماتيا شەڭبەرىندە تاراپتار ءوسىمنىڭ وڭ ديناميكاسىن راستادى جانە ەنەرگەتيكا، اۋىل شارۋاشىلىعى، م­ەدي­تسينالىق قالدىقتاردى وڭدەۋ جانە باسقا دا سالالارداعى تابىس­تى ءوزارا ارەكەتتەسۋدى اتاپ ءوتتى. قازاقستاندا «John Cockerill»، «Carmeuse»، «Orfit» جانە باسقا دا بەل­گيالىق كومپانيالار­مەن بىرلەسكەن جوب­الار ىسكە قوسىلدى. بەل­گيا – قازاقستان ەكونو­مي­كاسىنداعى ەڭ ءىرى ينۆەس­تورلاردىڭ ءبىرى. اتالعان ەل كومپانيالارى قا­زاق­ستانعا 7 ملرد اقش دوللارى­نان استام تىكەلەي ينۆەستيتسيا سالدى.

ا.ۆان كالستەر ۆاللو­نيا­نىڭ ەكسپورتقا جانە شەتەلدىك ين­ۆەس­­تيتسيالارعا ىقپالداسۋ «AWEX» اگەنت­تىگىنىڭ جانە فلاند­ريا­نىڭ ينۆەستيتسيالاردى تارتۋ جانە ەكسپورتقا ىقپالداسۋ «FIT» اگەنتتىگىنىڭ باسشى­ل­ى­عى­مەن بەلگيا كاسىپ­ورىن­­دارىنىڭ قا­زاقستانعا قاتىستى ەكى جىلدا ءبىر رەت ۇيىمداس­تىرىلاتىن ىسكەرلىك ميس­­سيا­سىنىڭ تيىمدىلىگىن ەرەك­شە اتاپ ءوتتى. ءبىزدىڭ ەلى­مىزگە جاساعان ەكونو­مي­كالىق ساپار­لار­دىڭ ءسات­تى تاجىريبەسىن ەسكەرە وتى­رىپ، بەلگيا تاراپى وسىن­داي ميسسيالاردى جىل سا­يىن وتكىزۋ ماسەلەسىن قاراس­تىرۋدا.

قازاقستاننىڭ ينۆەس­تيتسيا­لىق احۋالىن تالقى­لاي وتىرىپ، ر.ۆاسيلەنكو پرەمەر-ءمينيستردىڭ تور­­اعالىعىمەن وتەتىن ۇي­لەس­تىرۋ كەڭەسى، شەتەلدىك ينۆەس­تيتسيالاردى تارتۋ مەن­ قولداۋدىڭ ءۇش دەڭگەيلى جۇيەسى، «Kazakh Invest» قىز­مەتى تۋرالى ايت­تى. قازاقستان دەلەگاتسيا­سى «استانا» حالىقارالىق قار­جى ورتالىعىنىڭ نەگىزىندە ىسكەرلىك بايلانىستاردى دامىتۋ پەرسپەكتيۆالارىنا ەرەكشە نازار اۋداردى.

سونىمەن قاتار ۇستا­نىمداردى ۇيلەستىرۋ جانە قازىرگى زاماننىڭ وزەكتى ماسە­لەلەرىن شەشۋ ءۇشىن حا­لىق­­ارالىق جانە ايماقتىق ۇيىم­دار شەڭبەرىندەگى ءوزارا ىقپال­داستىقتىڭ ماسەلە­لەرى قاراس­تىرىلدى. ا.ۆان كالستەر قازاق­ستاننىڭ بۇۇ قاۋىپسىزدىك كەڭەسى­نىڭ 2017-2018 جىلدارداعى تۇ­راق­تى ەمەس مۇشەسى رە­تىن­دەگى ماڭىزدى ءرولىن، حالىق­ارالىق قاۋىپسىزدىككە قوسقان زور ۇلەسىن اتاپ ءوتتى. 2019 جىل­دىڭ 1 قاڭتارىندا بەل­گيا بۇۇ قاۋىپسىزدىك كەڭە­سىنىڭ تۇراقتى ەمەس مۇشەسى رەتىندەگى ميسسياسىنا كىرىستى جانە 2020 جىلعى اقپاندا كەڭەستىڭ توراعالىعىنا دايىندالۋدا.

ەۋروپالىق وداقپەن ىنتى­ماقتاستىق اياسىندا تاراپتار كە­ڭەي­تىلگەن سەرىك­تەستىك پەن ىن­تىماق­تاس­تىق تۋرالى كەلىسىمنىڭ كۇ­شىنە ەنۋىنىڭ جانە 2019 جىل­دىڭ ماۋسىم ايىندا قابىل­دانعان ەۋروپالىق وداقتىڭ ورتالىق ازيا بويىنشا جا­ڭا ستراتەگياسىن ءىس جۇ­زىندە ىسكە اسىرۋدىڭ ماڭىز­دىلىعىن اتاپ ءوتتى.

كەزدەسۋ قورىتىندىسى بو­يىنشا تاراپتار قازاق­ستان-بەلگيا قاتىناس­تارىن بارلىق سالادا ودان ءارى ساپالى دامىتۋ جانە كەڭەي­تۋ ءۇشىن بىرلەسكەن كۇش-جى­گەردى جۇمساۋعا دايىن ەكەن­دىكتەرىن مالىمدەدى.

 

 

سوڭعى جاڭالىقتار

التىن وردانىڭ اق تاڭى

رۋحانيات • كەشە

كۇلكى كەرۋەنى № 23

رۋحانيات • كەشە

جاڭعىرعان جامبىل ءوڭىرى

ايماقتار • كەشە

رۋحاني راۋىشتەگى تارتۋ

ايماقتار • كەشە

ۇقساس جاڭالىقتار