كەزدەسۋ بارىسىندا ەلباسى جوعارى وقۋ ورنىن ودان ءارى دامىتۋدىڭ جانە حالىقارالىق بەدەلىن نىعايتۋدىڭ ماڭىزدىلىعىن اتاپ ءوتتى.
– ۋنيۆەرسيتەتتىڭ بەدەلىن كوتەرۋ ماڭىزدى. الدىمىزدا جوعارى وقۋ ورنىن زەرتتەۋ ورتالىعىنا اينالدىرۋ ماقساتى تۇر. ءبىلىم ساپاسى مەن پروفەسسورلىق- وقىتۋشىلىق قۇرامدى دايىنداۋ دەڭگەيىن ارتتىرۋعا نازار اۋدارۋ كەرەك. ءبىلىم الۋشىلاردىڭ جاعدايىن جاقسارتۋ ءۇشىن ستۋدەنتتىك جاتاقحانالار سالۋ جونىندە تاپسىرمالار بەرىلدى, - دەدى قازاقستاننىڭ تۇڭعىش پرەزيدەنتى.
سونداي-اق, اڭگىمە بارىسىندا نۇرسۇلتان نازارباەۆقا ءابۋ ناسىر ءال-ءفارابيدىڭ 1150 جىلدىق مەرەيتويىن اتاپ وتۋگە ارنالعان شارالاردىڭ دايىندىعى جونىندە مالىمەت بەرىلدى.
