ۇكىمەت • 13 قاراشا، 2019

ميسسيا باسشىسىمەن كەزدەستى

10 رەت كورسەتىلدى

پرەمەر-مينيستر اسقار مامين مارك حورتون باستاعان حالىق­ارالىق ۆاليۋتا قورىنىڭ (حۆق) قازاق­ستان بويىنشا ميسسياسىنىڭ باسشىسى ساراپشىلارىمەن كەزدەسۋ وتكىزدى.

ۇكىمەت باسشىسىنا قازاقستانداعى ەكونومي­كا­لىق احۋال تۋرالى حۆق ساراپتامالىق باعالاۋلارى مەن بولجامدارى ۇسىنىلدى، ولار بيىلعى قاراشا ايىنداعى قور قىزمەتكەرلەرىنىڭ قازاقستان رەسپۋبليكاسىنا ساپارىنىڭ قورىتىندىسى بويىن­شا ميسسيانىڭ قورىتىندى مالىمدەمەسىنە ەنگىزىلگەن.

ميسسيا قازاقستانداعى ەكونوميكالىق ءوسۋدىڭ جوعارى قارقىنى ساقتالعانىن ناقتىلادى، بۇل نەگىزىنەن مۇنايلى ەمەس سەكتوردىڭ، ەڭ الدىمەن، قۇرىلىس جانە كورسەتىلەتىن قىزمەتتەر سالاسىنىڭ ەسەبىنەن قامتاماسىز ەتىلدى.

«الدىن الا باعالاۋلار ءۇشىنشى توقسانداعى ۇدەۋدى كورسەتەدى. باستى فاكتورلار – تۇتىنۋ كولەمىنىڭ ارتۋى جانە ينۆەستيتسيالىق قىزمەتتىڭ جالعاسۋى. بۇل بيۋدجەتتىڭ قولداۋىمەن، بولشەك نەسيەلەندىرۋدىڭ جوعارى وسىمىمەن، سونداي-اق مۇناي-گاز سالاسىنداعى ينۆەستيتسيالىق جوبالارمەن بايلانىستى»، دەلىنگەن حۆق ميسسياسىنىڭ قورىتىندى مالىمدەمەسىندە.

ۇكىمەت باسشىسى قازاقستان ەكونوميكاسى وسى جىلدىڭ 10 ايىنىڭ قورىتىندىسى بويىنشا تۇراقتى وسۋگە بەت العانىن كورسەتىپ وتىرعانىن اتاپ ءوتتى. قازاقستاننىڭ ءىجو-ءسى وتكەن جىلدىڭ سايكەس كەزەڭىمەن سالىستىرعاندا 4،4%-عا ارتتى.

تاراپتار اقشا-نەسيە، باعام، سالىق-بيۋدجەت ساياساتى، بانك سالاسىنداعى احۋال، قازاقستاندا جۇرگىزىلىپ جاتقان ەكونوميكاداعى قۇرىلىمدىق رەفورمالار، سونداي-اق 2020 جىلى الماتىدا كاۆكاز، ورتالىق ازيا جانە موڭعوليا ەلدەرىنە ارنالعان حۆق-نىڭ تەحنيكالىق كومەك بويىنشا ايماقتىق ورتالىعىنىڭ اشىلۋى ماسەلەلەرىن تالقىلادى.

كەزدەسۋگە پرەمەر-ءمينيستردىڭ ءبىرىنشى ورىن­باسارى – قارجى ءمينيسترى ءا.سمايىلوۆ، ۇلت­تىق ەكونوميكا ءمينيسترى ر.دالەنوۆ، ساۋدا جانە ينتەگراتسيا ءمينيسترى ب.سۇلتانوۆ، يندۋستريا جانە ينفراقۇرىلىمدىق دامۋ ءمينيسترى ب.اتام­قۇلوۆ، سىرتقى ىستەر ءمينيسترىنىڭ ورىنباسارى ە.كو­شەر­باەۆ جانە باسقا دا ۆەدومستۆولاردىڭ وكىلدەرى قا­تىستى.

حۆق ميسسياسى حۆق كەلىسىم بابىنىڭ IV بابىنا سايكەس جىل سايىنعى كونسۋلتاتسيالار وتكىزۋ ءۇشىن جىلىنا ەكى رەت قازاقستانعا كەلەدى.

 

سوڭعى جاڭالىقتار

قاي سالادا جالاقى ءوستى؟

ەكونوميكا • كەشە

رەسەي ازاماتتارى العىس ايتتى

ايماقتار • 26 اقپان، 2021

ۇقساس جاڭالىقتار