"ەۋرازيا ەلدەرىنىڭ كوپشىلىگى اقش تاراپىنان بەلگىلى ءبىر سانكتسيالارعا يە. امەريكا بۇل جاعدايدا, مەنىڭ ويىمشا, قارۋ-جاراقتى باقىلاۋدى جويدى. بۇل تەك ورتا جانە كىشى قاشىقتىقتاعى زىمىراندار تۋرالى شارت قانا ەمەس, بۇل يادرولىق سىناقتارعا تىيىم سالۋ تۋرالى شارت", - دەدى ول.
"اقش-تىڭ تاياۋ شىعىستا جۇزەگە اسىرىپ جاتقانى ءتارتىپ ورناتىپ جاتىر دەۋگە كەلمەيدى. بۇلايشا, قارۋ-جاراقتى باقىلاۋ, سونداي-اق ساقتاۋ مۇمكىن ەمەس. ونى مويىنداۋ كەرەك", - دەيدى ۆياچەسلاۆ نيكونوۆ.
ساراپشىنىڭ پىكىرىنشە, بۇل ماسەلەدە ىقتيارمەن كونسەنسۋسقا كەلۋگە بولادى. ول بريكس ەلدەرىمەن ءارتۇرلى فورماتتاعى جاعدايلار مەن شەشىمدەردى تالقىلاۋدىڭ جانە كەلىسۋدىڭ تابىستى تاجىريبەسىن مىسالعا كەلتىردى. سونداي-اق, ۆياچەسلاۆ نيكونوۆ شىۇ, اسەان, سمۆدا, ەاەو اياسىنداعى ەلدەردىڭ جەمىستى قۇرىلىمدىق ىنتىماقتاستىعىنا توقتالدى.
"رەسەي ءوزىن ەۋروپالىق جانە تىنىق مۇحيتتىق دەرجاۆا دەپ سانايدى. مەنىڭ ويىمشا, ءبىزدىڭ باتىستاعى دوستارىمىز - اقش پەن ناتو ءۇشىن ەۋرازياداعى جالعاسىپ جاتقان ديالوگقا (قارۋ-جاراق بويىنشا) كەلۋ وتە پايدالى بولادى. بۇل كونسەنسۋس پەن قۇندىلىقتارعا نەگىزدەلگەن قارقىندى ديالوگ", - دەدى ول.
11-12 قاراشا كۇندەرى "نازارباەۆ ورتالىعىندا" ساياسي فورۋم فورماتىندا بەدەلدى حالىقارالىق پىكىرتالاس الاڭى - "استانا كلۋبىنىڭ" بەسىنشى وتىرىسى وتۋدە. ءىس-شاراعا الەمنىڭ 50-دەن استام توپ ساياساتكەرلەرى, ەۋرازيا زياتكەرلەرى مەن حالىقارالىق قاتىناستار سالاسىنداعى ۇزدىك ماماندار قاتىسۋدا.
نەگىزگى سپيكەرلەر قۇرامىندا اۋعانستان پرەزيدەنتى حاميد كارزاي, سلوۆەنيا پرەزيدەنتى دانيلو تيۋرك, نوبەل سىيلىعىنىڭ لاۋرەاتى (2005), ماگاتە باس ديرەكتورى (2013-2014) موحاممەد ەل-بارادەي, JP Morgan Chase باسقارما توراعاسى, International توراعاسى دجەيكوب فرەنكەل, رەسەي ستراتەگيالىق زەرتتەۋلەر ينستيتۋتىنىڭ ديرەكتورى, رف ۇكىمەتىنىڭ توراعاسى (2004-2007), رف سىرتقى بارلاۋ قىزمەتىنىڭ ديرەكتورى (2007-2016) ميحايل فرادكوۆ جانە ت.ب. بار.
وتىرىستىڭ كۇن تارتىبىندە – قاۋىپسىزدىكتىڭ وزەكتى ماسەلەلەرى جانە ۇلكەن ەۋرازيانىڭ ستراتەگيالىق بولاشاعى. بەس سەسسيا شەڭبەرىندە كلۋب قاتىسۋشىلارى ەۋرازيا ەلدەرى مەن حالىقتارىنىڭ دامۋىنداعى اسا وتكىر پروبلەمالىق ترەندتەردى, وڭىرلىك ىنتىماقتاستىق ءۇشىن جاڭا مۇمكىندىكتەردى, سونداي-اق بولاشاق كونتۋرى مەن ستسەناريلەرىن تالقىلايدى.
تۇجىرىمدامالىق تۇرعىدا بارلىق پىكىرتالاستار باستى ماسەلە – ۇلكەن ەۋرازيادا ىنتىماقتاستىقتىڭ جاڭا ارحيتەكتۋراسىن قۇرۋ توڭىرەگىنە شوعىرلانعان.
ءىس-شارا اياسىندا "2020 جىلى ەۋرازيا ءۇشىن توپ - 10 تاۋەكەل" رەيتينگىسىنىڭ كەزەكتى شىعارىلىمى – الەمدىك ەكونوميكا جانە ساياسات ينستيتۋتى استانا كلۋبىنىڭ قولداۋىمەن شىعارىلاتىن الەمنىڭ جەتەكشى ساراپشىلارىنىڭ ستراتەگيالىق فورسايتى تانىستىرىلادى.
كلۋبتىڭ ۇيىمداستىرۋشىلارى – قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى جانە قور جانىنداعى الەمدىك ەكونوميكا جانە ساياسات ينستيتۋتى.
