«بيىل ءۇش ءىرى مۇناي-گاز جوباسىندا كۇردەلى جوندەۋ جۇمىستارى ءساتتى اياقتالدى: قاشاعاندا كۇردەلى جوندەۋ جۇمىستارى جوسپاردان 15 كۇن بۇرىن اياقتالعان; تەڭىزدە 3 كۇن بۇرىن اياقتالدى, قاراشىعاناقتا جوندەۋ جۇمىستارى 2019 جىلعى 15 قىركۇيەكتەن 13 قازان ارالىعىندا وتكىزىلدى. نەگىزگى وندىرىستەر توقتاتىلعانىنا قاراماستان, وسى جوبالارداعى ءوندىرۋ قارقىنى جوسپاردان اسا ورىندالۋدا», — دەدى ءبىرىنشى ۆيتسە-مينيستر.
وسى جىلدىڭ 10 ايى ىشىندە قاشاعاندا 11,5 ملن توننا مۇناي ءوندىرىلدى, بۇل 2018 جىلدىڭ ۇقساس كەزەڭىنە 7,4 % ءوسىم كورسەتۋدە جانە جوسپاردان 6,4% ارتتى. تەڭىزدە 24,6 ملن توننا مۇناي ءوندىرىلدى. بۇل 2018 جىلدىڭ ۇقساس كەزەڭىنە 5,1% جانە جوسپاردان 2,5%-عا ءوسىم كورسەتىپ وتىر. قاراشىعاناقتا 9,1 ملن توننا مۇناي ءوندىرىلدى, بۇل 2018 جىلدىڭ ۇقساس كەزەڭىنە 9% تومەن, بىراق جوسپاردان 2,2%-عا جوعارى.
م. دوسمۇحامبەتوۆ اتاپ وتكەندەي, وسىنداي ءوندىرۋ قارقىنىن ەسكەرە وتىرىپ, مينيسترلىك رەسپۋبليكادا جىلدىق ءوندىرۋ كولەمى 90,5 ملن تونناعا دەيىن كوتەرىلەدى دەپ بولجايدى. 2018 جىلدىڭ 90,4 ملن توننا كولەمىندەگى ناتيجەسىن ارتۋعا مۇمكىندىگى بار.
«وسى جىلدىڭ 10 ايى ىشىندە گاز ءوندىرۋ كولەمى 46,3 ملرد تەكشە مەتردى قۇرادى. بۇل 2018 جىلدىڭ ۇقساس كەزەڭىنە 1,5% ءوسىم كورسەتىپ وتىر. جىل باسىنان بەرى 10 ايى ىشىندە مۇناي وڭدەۋ كولەمى 14,17 ملن توننانى قۇرادى. بۇل 2018 جىلدىڭ ۇقساس كەزەڭىنە 5% ءوسىم كورسەتىپ وتىر. بىراق 10 ايدىڭ جوسپارىنان 1,2% تومەن. بۇل رەتتە, 2019 جىلدىڭ جوسپارى 17 ملن توننا, بولجام 17,1 ملن تونناعا دەيىن كوتەرىلدى», — دەدى ول.
نەگىزگى مۇناي ونىمدەرى – بەنزين, ديزەل وتىنىن, اۋە وتىنىن جانە مازۋت بويىنشا ءوندىرۋ كولەمى 10,5 ملن توننانى كۇراپ وتىر. بۇل 2018 جىلدىڭ ۇقساس كەزەڭىنە 10,2% استام ءوسىم كورسەتىپ وتىر. اۆتوبەنزين ءوندىرۋ كولەمى 3,6 ملن توننانى قۇرادى نەمەسە 2018 جىلدىڭ ۇقساس كەزەڭىنە 112,5% وسۋدە.
«اۆتوبەنزين ءوندىرۋ كولەمى ەلىمىزدىڭ ىشكى تۇتىنۋىن تولىق قامتاماسىز ەتەدى. وسى جىلى شىلدە ايىنان باستاپ اۆتوبەنزين ەكسپورتى باستالدى, ەكسپورت كولەمى 42,6 مىڭ توننانى قۇرادى. جالپى, مۇناي ونىمدەرى نارىعىندا جاعداي تۇراقتى. جانار-جاعارماي تاپشىلىعى بايقالمايدى», — دەدى ءبىرىنشى ەنەرگەتيكا ۆيتسە-ءمينيسترى.
بيىلعى 11 قاراشاداعى جاعداي بويىنشا, قازاقستاندا اي-92 ماركالى بەنزيننىڭ بولشەك ساۋدا باعاسى – 148,5 تەڭگەنى قۇرايدى.
اۋە وتىنىن ءوندىرۋ كولەمى 524,5 مىڭ توننانى نەمەسە 2018 جىلدىڭ ۇقساس كەزەڭىنە 182% قۇراپ وتىر. ديزەل وتىنى 4,1 ملن توننا ءوندىرىلدى نەمەسە 2018 جىلدىڭ ۇقساس كەزەڭىنە 108,1% كورسەتىپ وتىر. بيىلعى 11 قاراشاداعى جاعداي بويىنشا, قازاقستاندا جازعى ديزەل وتىنىنا بولشەك ساۋدا باعاسى 193 تەڭگەنى قۇرايدى.
11 قاراشا جاعدايى بويىنشا ەلىمىزدىڭ ىشكى نارىعىندا جانار-جاعارماي قالدىقتاردىڭ قورى: اي-92 بەنزينى – 185,2 مىڭ توننا, ديزەل وتىنى – 133,1 مىڭ توننا قۇراپ وتىر.
ديزەل وتىنىن جەتكىزۋ گرافيگى بويىنشا اۋىل شارۋاشىلىعى تاۋار وندىرۋشىلەرىنە 394 مىڭ توننا, ونىڭ ىشىندە 8 قاراشا كۇنىنە – 366,5 مىڭ توننا نەمەسە 92,8% تيەپ-جونەلتىلدى.
تاۋارلىق گاز ءوندىرۋ كولەمى 27,12 ملرد تەكشە مەتردى قۇراپ وتىر. بۇل 2018 جىلدىڭ ۇقساس كەزەڭىنە 98,6% كورسەتىپ وتىر. تاۋارلىق گازدى ىشكى تۇتىنۋ كولەمى 11,8 ملرد تەكشە م قۇراپ, 2018 جىلدىڭ ۇقساس كەزەڭىمەن سالىستىرعاندا 3%-عا ءوسىم كورسەتتى. گاز ەكسپورتى 15,3 ملرد تەكشە مەتر, نەمەسە 2018 جىلدىڭ ۇقساس كەزەڭىنە 91,1% قۇراپ وتىر.
ەلەكتر ەنەرگياسىن ءوندىرۋ 85,9 ملرد كۆت.ساع نەمەسە 2018 جىلدىڭ ۇقساس كەزەڭىنە 98,1% قۇرادى. ەلەكتر ەنەرگياسىن ءوندىرۋ سەكتورىندا اعىمداعى جىلدىڭ 10 ايى ىشىندە قۋاتى 402 مۆت بولاتىن 14 جاڭارتىلاتىن ەلەكتر ەنەرگياسى وبەكتىسى ىسكە قوسىلدى. جىلدىڭ سوڭىنا دەيىن قۋاتى 104,8 مۆت جاڭادان 4 جاڭارتىلاتىن ەلەكتر ەنەرگياسى وبەكتىسى ىسكە قوسىلاتىن بولادى.
«جەك ەلەكتر ەنەرگياسىن ءوندىرۋ كولەمى اعىمداعى جىلدىڭ 10 ايى ىشىندە 1,7 ملرد كۆت/ساع قۇرادى, 2018 جىلدىڭ ۇقساس كەزەڭىنە قاراعاندا 65%-عا ءوسىم كورسەتتى. ەلەكتر ەنەرگياسىن ءوندىرۋ كولەمىندەگى جەك ۇلەسى 2%. جالپى, رەسپۋبليكا بويىنشا 2018 جىلمەن سالىستىرعاندا جەك وبەكتىلەرىنىڭ سانى 2019 جىلى 20 وبەكتىگە ارتتى: 67-دەن 87-گە دەيىن, جەك وبەكتىلەرىنىڭ جيىنتىق قۋاتى 1,9 ەسە ارتتى: 2018 جىلعى 537 مۆت-تان 2019 جىلى 1042 مۆت-قا دەيىن», — دەدى ءبىرىنشى ۆيتسە-مينيستر.
ۋران ءوندىرۋ كولەمى شامامەن 18,7 مىڭ توننانى قۇراپ, 2018 جىلدىڭ ۇقساس كەزەڭىنە قاراعاندا 5%-عا نەمەسە اعىمداعى جىلعى 10 اي جوسپارىنا 0,8%-عا وسىم كورسەتتى.
