كەلەسى جىلى بۇل كورسەتكىش 150 ميلليون داناعا جەتكىزىلمەك. مۇندا جۋىردا جاڭا كورپۋس پايدالانۋعا بەرىلىپ, رەسەيدەن اكەلىنگەن 75 مىڭ “كروسس” تۇقىمدى تاۋىقتاردىڭ شوجەلەرى باعىلاتىن بولادى. سوڭعى ۇلگىدەگى قۇرال-جابدىقتار بەلگيادان جەتكىزىلگەن. اۆتوماتتى تۇردە باسقارىلاتىن قوندىرعىلاردىڭ قۇنى – 170 مىڭ ەۋرو.
ء«وندىرىس اۋقىمىن كەڭەيتۋ ءۇشىن مەملەكەتتىڭ قولداۋىنا جۇگىنىپ, ەكىنشى دارەجەلى بانك ارقىلى 700 ملن تەڭگە جەڭىلدىكتى نەسيە راسىمدەلدى. وسىلايشا, ونىمدىلىك دەڭگەيى 1,1 ملرد تەڭگەگە, ەكسپورت كولەمى 25 پايىزعا ارتادى. جاڭا جۇمىس ورىندارى قۇرىلادى. تولەنەتىن سالىقتاردىڭ ءوزى عانا 40 ملن تەڭگەنى قۇرايتىن بولادى» دەيدى سەرىكتەستىك ديرەكتورى رينات بۇلانباەۆ.
قازىرگى كۇنى 75 مىڭ باسقا شاقتالعان تاعى 2 كورپۋس سالىنىپ جاتىر. ءبىرى بيىل, ەكىنشىسى كەلەسى جىلى تولىق پايدالانۋعا بەرىلەدى.
بۇگىندە فابريكادا 9 كورپۋس جۇمىس ىستەيدى.
سولتۇستىك قازاقستان وبلىسى
