س. وماروۆ مال شارۋاشىلىعىندا جالپى ءونىم شىعارىلىمى 3,9%-عا ارتقانىن, ونىڭ ىشىندە ەت ءوندىرىسى 5,5%-عا, ءسۇت ءوندىرىسى 3,2%-عا وسكەنىن اتاپ ءوتتى.
«مال شارۋاشىلىعى ونىمدەرى ءوندىرىسىنىڭ ءوسۋى مال شارۋاشىلىعىنداعى نەسيەلەندىرۋ باعدارلامالارىنىڭ ءساتتى ىسكە اسىرىلۋىنا بايلانىستى بولدى», — دەگەن س. وماروۆ, وسى جىلدىڭ 10 ايىندا 78,9 مىڭ باس ءىرى قارا مال ساتىپ الۋعا 806 شارۋاشىلىققا نەسيە بەرىلگەنىن, وتكەن جىلدىڭ وسىنداي كەزەڭىندە 39,1 مىڭ باس ساتىپ الۋعا 412 شارۋاشىلىققا نەسيە بەرىلگەنىن ايتتى.
954 شارۋاشىلىققا 337,4 مىڭ باس كولەمىندە ۇساق انالىق مال باسىن ساتىپ الۋعا كرەديت بەرىلدى, بۇل 2018 جىلدىڭ 10 ايىمەن سالىستىرعاندا 223,9 مىڭ باسقا جانە 624 شارۋاشىلىققا كوپ.
«ىرىس» باعدارلاماسى بويىنشا جىل باسىنان بەرى جالپى سانى 1 600 باسقا ارنالعان ءۇش ونەركاسىپتىك تاۋارلىق ءسۇت كەشەنى جانە 712 باسقا ارنالعان 8 وتباسىلىق تاۋارلىق ءسۇت فەرماسى ىسكە قوسىلدى (2018 جىلى – 6 مىڭ باسقا ارنالعان 18 وتباسىلىق, 7 ونەركاسىپتىك تاۋارلىق ءسۇت فەرماسى).
بيىل 15 مىڭ باسقا ارنالعان ءۇش بورداقىلاۋ الاڭى پايدالانۋعا بەرىلدى, ەكى بورداقىلاۋ الاڭىندا مال ورنى 35 مىڭ باسقا دەيىن ۇلعايتىلدى.
وسى كەزەڭدە تاماق ونىمدەرىن ءوندىرۋ 2,1%-عا, سۋسىن ءوندىرۋ 13,9%-عا ءوستى.
ەسەپتى كەزەڭدە سالاعا 379,4 ملرد تەڭگە ينۆەستيتسيا تارتىلدى, بۇل وتكەن جىلدىڭ وسىنداي كەزەڭىمەن سالىستىرعاندا 37%-عا كوپ. ءوسىم «قازاگرو» حولدينگىنىڭ كرەديتتىك ونىمدەرىن ىسكە اسىرۋ ارقىلى قامتاماسىز ەتىلدى.
ماسەلەن, وسى جىلدىڭ 10 ايىندا كرەديت بەرۋ كولەمى وتكەن جىلدىڭ وسىنداي كەزەڭىمەن سالىستىرعاندا 32%-عا ارتىپ, 362 ملرد تەڭگەنى قۇرادى.
90 ملرد تەڭگە سوماسىنا 5 531 بىرلىك اۋىل شارۋاشىلىعى تەحنيكاسى مەن جابدىعىن ليزينگكە الۋعا شارتتار جاسالدى, بۇل وتكەن جىلدىڭ وسىنداي كەزەڭىمەن سالىستىرعاندا 57%-عا كوپ.
بۇدان وزگە, قازىرگى ۋاقىتتا شەتەلدىك ينۆەستورلاردىڭ قاتىسۋىمەن جالپى سوماسى $3 ملرد-تان استام قاراجاتقا بارلىعى 30-عا جۋىق ءىرى ينۆەستيتسيالىق جوبا ىسكە اسىرىلۋدا. جوبالاردى قارجىلاندىرۋ ينۆەستورلاردىڭ ءوز قاراجاتى ەسەبىنەن دە, ەكىنشى دەڭگەيلى بانكتەر مەن «قازاگرو» حولدينگىنىڭ ەنشىلەس كومپانيالارى ارقىلى دا جۇزەگە اسىرىلۋدا.
«جاڭا وتكىزۋ نارىقتارىن اشۋ ءۇشىن اۋىل شارۋاشىلىعى مينيسترلىگى يمپورتتاۋشى ەلدەردىڭ فيتوسانيتاريالىق جانە ۆەتەريناريالىق تالاپتارىن كەلىسۋ بويىنشا جوسپارلى جۇمىستار جۇرگىزۋدە», — دەدى مينيستر س. وماروۆ.
بۇگىنگى كۇنى اگروونەركاسىپتىك كەشەن ونىمدەرىنىڭ 19 تۇرىنە قىتاي نارىعىنا شىعۋعا رۇقسات بەرىلدى. بۇل — سيىر ەتى, قوي ەتى, ءتىرى جىلقى, بالىق, بال, بيداي, بيداي كەبەگى, سويا بۇرشاعى, جوڭىشقا, راپس كۇنجاراسى, ارپا, جۇگەرى, بيداي ۇنى, ءسۇت ونىمدەرى, ءجۇن شيكىزاتى, زىعىر تۇقىمى, شوشقا ەتى, ازىقتىق بيداي ۇنى.
سونداي-اق, قوي ەتى, سيىر ەتى, ءتىرى ءىرى قارا مال جانە سويۋعا ارنالعان ۇساق مال, تاعامدىق جۇمىرتقا بويىنشا يران مەن بىرىككەن اراب امىرلىكتەرى, بالىق, مايلى داقىلدار مەن ازىقتار بويىنشا ەۋروپا وداعى, ءتىرى ءىرى قارا مال جانە سويۋعا ارنالعان ۇساق مال بويىنشا ساۋد ارابياسى, سيىر جانە قوي ەتى بويىنشا باحرەين سەكىلدى جاڭا وتكىزۋ نارىقتارى اشىلدى.
سونىڭ ناتيجەسىندە 2019 جىلدىڭ 8 ايىندا اگروونەركاسىپتىك كەشەن ءونىمى ەكسپورتىنىڭ كولەمى $2 040,6 ملن قۇرادى, بۇل 2018 جىلدىڭ وسىنداي كەزەڭىمەن سالىستىرعاندا 9%-عا كوپ.
