ەكونوميكانىڭ, بانك سالاسىنىڭ, رەسپۋبليكالىق بيۋدجەتتىڭ ورىندالۋىنىڭ, مەملەكەتتىك ساتىپ الۋلارداعى جەرگىلىكتى قامتۋدىڭ جاي-كۇيى تۋرالى ۇلتتىق ەكونوميكا ءمينيسترى ر. دالەنوۆ, ۇلتتىق بانك توراعاسى ە. دوساەۆ, پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءا. سمايىلوۆ باياندادى, ونەركاسىپ جانە كولىك سالاسىنداعى جاعدايلار تۋرالى, ەكسپورتتىق ونىمدەر بويىنشا يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ, اگرارلىق سالا بويىنشا اۋىل شارۋاشىلىعى ءمينيسترى س. وماروۆ, مۇناي-گاز سالاسى تۋرالى ەنەرگەتيكا ءبىرىنشى ۆيتسە-ءمينيسترى م. دوسمۇحامبەتوۆ ءمالىم ەتتى.
قازاقستان ەكونوميكاسى تۇراقتى ءوسۋ بەتالىسىن كورسەتىپ وتىر — 2019 جىلعى قازان-قاڭتار ايلارىندا ءجىو ءوسىمى وتكەن جىلدىڭ سايكەس كەزەڭىنە 4,4% قۇرادى. قۇرىلىستا – 12,7%, ساۋدادا – 7,5%, كولىك سالاسىندا – 5,6%, وڭدەۋ سەكتورىندا, ونىڭ ىشىندە ماشينا جاساۋدا – 18,2%, جەڭىل ونەركاسىپتە – 19%, ءتۇستى مەتالدار وندىرىسىندە – 7,5%, مۇناي وڭدەۋدە – 7,2%, مەتالل كەندەرىن وندىرۋدە – 16,1%, بايلانىس قىزمەتىندە – 4,5% وڭ ديناميكا بايقالىپ وتىر. ۇلتتىق قور اكتيۆتەرى 2,1%-عا $59,2 ملرد-قا دەيىن, رەسپۋبليكالىق بيۋدجەتكە كىرىستەر – 8386,6 ملرد تەڭگەگە (جوسپاردىڭ 100%) ارتتى, ءوسۋ قارقىنى 113,7% قۇرادى.
پرەمەر-مينيستر باتىس قازاقستان, قىزىلوردا, ماڭعىستاۋ وبلىستارىنىڭ جانە نۇر-سۇلتان قالاسىنىڭ اكىمدەرىنىڭ ەسەبىن تىڭدادى, بۇل وڭىرلەر بىرقاتار ەكونوميكالىق كورسەتكىش بويىنشا ارتتا قالىپ وتىر, سونداي-اق, بيۋدجەت قاراجاتىن بارىنشا يگەرمەگەن مينيسترلىكتەردىڭ باسشىلارى — ەكولوگيا, گەولوگيا جانە تابيعي رەسۋرستار (10,6 ملرد تگ), ءبىلىم جانە عىلىم (9,3 ملرد تگ), مادەنيەت جانە سپورت (6,1 ملرد تگ), تسيفرلىق دامۋ, يننوۆاتسيالار جانە اەروعارىش ونەركاسىبى (5,1 ملرد تگ) مينيسترلەرى تىڭدالدى.
«ەلباسى نۇرسۇلتان نازارباەۆ Nur Otan پارتياسى فراكتسياسىنىڭ كەڭەيتىلگەن وتىرىسىندا ەكونوميكا ءوسىمىن قامتاماسىز ەتۋ مىندەتىن العا قويدى. مەملەكەت باسشىسى قاسىم-جومارت توقاەۆ ەكونوميكالىق ماسەلەلەر جونىندەگى كەڭەستە ەلىمىزدىڭ ماكروەكونوميكالىق, قارجىلىق جانە الەۋمەتتىك تۇراقتىلىعىن ساقتاۋ بويىنشا شارالاردى قابىلداۋدى تاپسىردى», — دەدى ا. مامين.
پرەمەر-مينيستر وڭىرلەر مەن مينيسترلىكتەردىڭ باسشىلارىنا ەلباسى ن. نازارباەۆ پەن پرەزيدەنت ق. توقاەۆ العا قويعان مىندەتتەردى ورىنداۋ جۇمىستارىن جانداندىرۋدى, سونداي-اق, ماڭىزدى ونەركاسىپتىك كورسەتكىشتەردىڭ ءوسىمىن ىنتالاندىرۋدى تاپسىردى.
ۇكىمەت باسشىسى اقتوبە, اقمولا, شىعىس قازاقستان, پاۆلودار جانە سولتۇستىك قازاقستان وبلىستارى اكىمدىكتەرىنىڭ جۇمىسىنىڭ جاقسى ناتيجەسىن اتاپ ءوتتى, ولاردا وسى جىلدىڭ 10 ايىنىڭ قورىتىندىسى بويىنشا نەگىزگى ەكونوميكالىق ينديكاتورلاردىڭ ءوسىمى بايقالادى. ارتتا قالۋشى اكىمدىكتەرگە پروبلەمالىق كورسەتكىشتەر بويىنشا جاعدايدى رەتكە كەلتىرۋ ءۇشىن تۇبەگەيلى شارالاردى قابىلداۋدىڭ قاجەتتىگى ايتىلدى.
«بيۋدجەت بولىگى بويىنشا وتكەن جىلمەن سالىستىرعاندا, وسى جىل جوسپارىنىڭ اسىرا ورىندالۋى بايقالۋدا. دەگەنمەن, بيۋدجەتتىك باعدارلامالاردىڭ بىرقاتار اكىمشىسىندە بيۋدجەت قاراجاتتارىنىڭ يگەرىلمەۋى بەلگىلەنگەن. وتكىزىلمەگەن كونكۋرستار, جوسىقسىز مەردىگەرلەر جانە قارجىلاندىرۋ جوسپارلارى بويىنشا وزگەرىستەر جونىندەگى دالەلدەر قابىلدانبايدى. جىل سوڭىنا دەيىن ءبىر جارىم اي قالدى», — دەدى ا. مامين.
پرەمەر-مينيستر ەكونوميكانىڭ ساپالى ءارى تۇراقتى ءوسىمىن قامتاماسىز ەتۋ ءۇشىن ينۆەستيتسيالار تارتۋعا, جۇمىس ورىندارىن قۇرۋعا, ونىمدىلىكتى ارتتىرۋعا جانە ازاماتتاردىڭ ءال-اۋقاتىن جاقسارتۋعا بارلىق كۇش-جىگەردى جۇمساۋ قاجەت ەكەنىن اتاپ ءوتتى.
