حالىق ءارتىسى قايرات بايبوسىنوۆ باستاعان قازىلار القاسىنىڭ شەشىمىمەن قاراعاندىلىق ازات ابدىعالىم باس جۇلدە يەگەرى اتاندى. ماڭدايى جارقىراپ توپ جارعان دارىندى ءانشىنىڭ ورىنداۋىنداعى ءمادي اندەرى قازىلار القاسىنىڭ عانا ەمەس, دەگدار تىڭدارماننىڭ دا كوڭىلىنەن شىعىپ, ىستىق ىقىلاسىنا بولەندى.
كوكشەتاۋدىڭ ايدىك ءانشىسى شىڭعىس سارسەنبايعا ءبىرىنشى جۇلدە بۇيىردى. ەل استاناسىنان كەلگەن كۇمىسكومەي ءانشى قىز الۋا قالامبەكوۆا مەن الماتىلىق تالانت اقجول وسەرباي ەكىنشى جۇلدەنى ءوزارا ءبولىستى. ال ءۇشىنشى جۇلدەگە بىرىنەن ءبىرى وتەتىن ءۇش ءانشى – داۋرەنبەك سليامعالي مەن ءبىرجان ايتاحمەتوۆ (الماتى) جانە اياۋلىم قاماجان (نۇر-سۇلتان) لايىقتى دەپ تانىلدى.
جەڭىمپاز بەن جۇلدەگەرلەرگە لايىقتى سىي-سياپات جاسالدى.
بايقاۋ سوڭىندا گالا-كونتسەرت ءوتىپ, وندا دومبىراشىلار ءانسامبلى مەن ءمادي باپي ۇلى اتىنداعى ءىV رەسپۋبليكالىق بايقاۋدىڭ لاۋرەاتتارى ونەر كورسەتتى. ولار ءمادي باپي ۇلىنىڭ ەل ىشىنە كەڭ تاراعان «قاراكەسەك», ء«ۇش قارا» جانە «قارقارالى» اندەرىن شىرقاپ, تىڭدارمان قاۋىمنىڭ قۇلاق قۇرىشىن قاندىردى.
قاراعاندى وبلىسى
