سالتاناتتى جيىنعا قالا اكىمىنىڭ ورىنباسارى باقتيار ماكەن قاتىسىپ, وسكەلەڭ ۇرپاقتىڭ جادىندا ەرلىكتىڭ سيمۆولى رەتىندە ساقتالۋى كەرەكتىن ايتتى.
– راقىمجان قوشقارباەۆتىڭ فاشيستەرگە قارسى سوعىستاعى ەرلىكتەرى قازىرگى ۇرپاق ءۇشىن ۇلگى بولۋى ءتيىس. بۇگىنگى ءىس-شارانىڭ ماقساتى – باتىر راقىمجان قوشقارباەۆ ەكىنشى دۇنيەجۇزىلىك سوعىستا ەرلىك كورسەتكەن باتىرلاردى ەسكە الۋ. بۇل باعىتتاعى ءبىزدىڭ جۇمىسىمىز مىندەتتى تۇردە جالعاسادى, – دەپ اتاپ ءوتتى باقتيار ماكەن.
21 جاسىندا جاڭبىرداي جاۋعان وقتان جاسقانباعان لەيتەنانت راقىمجان قوشقارباەۆ پەن قاتارداعى جاۋىنگەر گريگوري بۋلاتوۆ, فاشيستەر ورداسىنا بارiنەن بۇرىن جەتiپ, جەڭiس تۋىن رەيحستاگقا تiككەنى ءدۇيىم جۇرتقا ءمالىم. ق.قۋانىشباەۆ تەاترىنىڭ ارتىستەرى قايتپاس قايسارلىق تانىتقان باتىرلاردىڭ وسىنداي قىم-قۋىت تاعدىر جولىن ارقاۋ ەتكەن ساحنالىق كورىنىستى ەل نازارىنا ۇسىندى. قازاق ەستراداسىنىڭ جارقىن جۇلدىزدارى پاتريوتتىق اندەر شىرقاپ, ساپ تۇزەگەن ۇلاندار جىردان شاشۋ شاشتى.
