فوتو: ۇكىمەتتىڭ ءباسپاسوز قىزمەتى
ساپار بارىسىندا ۆيتسە-پرەمەر نۇرا وزەنىنىڭ ارناسى بويىنداعى كوكپەكتى, بايقادام, پەتروۆكا, سارىتوبە, بوتاقارا, شەشەنقارا اۋىلدارىن, سونداي-اق «بايقادام» جانە «مينكوۆسكايا» سۋ بوگەتتەرىن جانە اششىسۋ سۋ قويماسىن قاراپ شىقتى. شەرۋباي-نۇرا وزەنى بويىندا قاراشوقى, بەسوبا, اقسۋ-ايۋلى, قايراقتى, نۇراتالدى, اقسۋ جانە شوپا ەلدى مەكەندەرى تەكسەرىلدى. سونىمەن قاتار كراسنايا پوليانا اۋىلىنداعى قورعانىس بوگەتتىرىنىڭ جاي-كۇيى قارالدى.
- 25 شاقىرىم قورعانىس دامبالارى مەن بوگەتتەرى سالىندى جانە نىعايتىلدى;
- وزەن ارنالارىنىڭ 28 شاقىرىمنان استام سۋ تاسقىنى قاۋپى بار ۋچاسكەسىنە ساناتسيا جۇرگىزىلدى;
- 21 شاقىرىم درەناج جانە سۋ بۇرۋ جۇيەلەرى تازارتىلدى;
- 54 اۆتوجول ۋچاسكەسىندە سۋ وتكىزۋ قابىلەتى ارتتىرىلدى;
- 4 گيدروتەحنيكالىق نىسانعا جوندەۋ جۇرگىزىلدى.
«جەرگىلىكتى اتقارۋشى ورگاندار ماتەريالدىق-تەحنيكالىق جانە قارجىلىق رەزەرۆتەردى قالىپتاستىردى, شامامەن 1 ملن 200 مىڭ تەكشە مەتر قار شىعارىلدى. وبلىستىڭ 7 اۋدانىندا جانە 4 قالاسىندا سۋ باسۋ قاۋپى بار 139 ەلدى مەكەن, سونداي-اق اۆتوموبيل جانە تەمىرجولداردىڭ 130 قاۋىپتى ۋچاسكەسى ەرەكشە باقىلاۋعا الىنعان. 217 سۋ شارۋاشىلىعى نىسانى تۇراقتى مونيتورينگتە تۇر. قازىرگى ۋاقىتتا وڭىردەگى سۋ تاسقىنى جاعدايى تۇراقتى. نەگىزگى سۋ قويمالارى شتاتتىق رەجيمدە جۇمىس ىستەپ تۇر. سامارقاند جانە ىنتىماق سۋ قويمالارىنان سانيتارلىق سۋ جىبەرۋ جۇرگىزىلىپ جاتىر», دەپ حابارلادى ۇكىمەتتىڭ ءباسپاسوز قىزمەتى.
