زياندى قوسىمشالار, جالعان سىلتەمەلەر مەن حابارلامالار ارقىلى قاسكۇنەمدەر ونلاين-بانكينگكە, CVV-كودتارىنا, لوگيندەرگە, قۇپياسوزدەرگە جانە باسقا دا كونفيدەنتسيالدى دەرەكتەرگە قول جەتكىزۋگە تىرىسادى. اگەنتتىكتىڭ مالىمەتىنشە, بۇل دەربەس اقپارات پەن قولما-قول اقشانىڭ جوعالۋىنا اكەلۋى مۇمكىن.
قاۋىپسىزدىكتى قامتاماسىز ەتۋ ءۇشىن قارجى نارىعىن رەتتەۋ جانە دامىتۋ اگەنتتىگى مىناداي كەڭەستەردى ۇسىندى:
- ۆيرۋسقا قارسى باعدارلاما ورناتىڭىز جانە ونى ۇنەمى جاڭارتىپ وتىرىڭىز;
- قوسىمشالاردى تەك رەسمي كوزدەردەن جۇكتەپ الىڭىز (Google Play, App Store);
- قوسىمشالار سۇراعان رۇقساتتاردى تەكسەرىپ, بايلانىستارعا, SMS-كە, ميكروفونعا جانە ەكرانعا كىرۋدى شەكتەڭىز;
- حاتتارمەن, مەسسەندجەرلەرمەن جانە push-حابارلامالارمەن كەلەتىن كۇدىكتى سىلتەمەلەرگە وتپەڭىز;
- قىزمەتتەر ءۇشىن كۇردەلى جانە ءار ءتۇرلى قۇپياسوزدەردى ورناتىپ, قۇپياسوز مەنەدجەرلەرىن قولدانىڭىز;
- تەلەفونىڭىزدا بانك كارتالارىنىڭ فوتوسۋرەتتەرىن, قۇپيا سوزدەردى جانە ەلەكتروندىق قولتاڭبانى ساقتاماڭىز;
- قۇرىلعىنى جوعالتىپ العان كەزدە ەكراندى بۇعاتتاۋدى, بيومەتريالىق قورعاۋدى جانە دەرەكتەردى قاشىقتان جويۋ مۇمكىندىگىن قوسىڭىز;
- قوڭىراۋ سوعۋشى ءوزىن بانك نەمەسە قۇقىق قورعاۋ ورگاندارىنىڭ قىزمەتكەرىمىن دەپ تانىستىرسا دا, تەلەفون نەمەسە مەسسەندجەرلەر ارقىلى كودتاردى, قۇپياسوزدەردى جانە باسقا دا قۇپيا اقپاراتتى حابارلاماڭىز.
1414-تەن SMS كەلسە, ساق بولىڭىز: ازاماتتاردى الداۋدىڭ جاڭا سحەماسى بەلگىلى بولدى
قوسىمشا كەڭەس:
- وپەراتسيالىق جۇيەنى جانە ورناتىلعان قوسىمشالاردى ۇنەمى جاڭارتىپ وتىرىڭىز, سەبەبى جاڭارتۋلاردا ماڭىزدى قاۋىپسىزدىك پاتچتارى بار;
- بانك حابارلامالارى ارقىلى قارجىلىق وپەراتسيالارىڭىزدى قاداعالاپ وتىرىڭىز, ترانزاكتسيالارعا شەكتەۋ قويىڭىز, سونداي-اق بانكتىك قوسىمشاعا كىرگەن كەزدە بيومەتريانى قولدانىڭىز;
- بۇكىل وتباسىنىڭ كيبەرگيگيەناسىن جۇرگىزۋ: بالالار مەن قارت تۋىستارعا الاياقتىقتى شىنايى حابارلاندىرۋلاردان قالاي اجىراتۋعا بولاتىنىن جانە الەۋمەتتىك ينجەنەرياعا قالاي قارسى تۇرۋ كەرەك ەكەنىن ءتۇسىندىرىڭىز.
ينتەرنەت-الاياقتىققا قارسى ناقتى ناتيجە: جەتىسۋدا 600 مىڭ تەڭگە قايتارىلدى
ەگەر ءسىز قۇرىلعىنى جوعالتساڭىز نەمەسە رۇقساتسىز پايدالانىلعانىنا كۇماندانساڭىز:
- بانك كارتالارىن دەرەۋ بۇعاتتاڭىز, بارلىق قۇپياسوزدەردى وزگەرتىڭىز جانە ونلاين-بانكتەگى سەسسيالاردى اجىراتىپ تاستاڭىز;
- قۇقىق قورعاۋ ورگاندارىنا حابارلاسىڭىز;
- قاجەت بولسا, SIM-كارتانى ۇيالى بايلانىس وپەراتورىندا بۇعاتتاڭىز.
