– قۇرمەتتى قاسىم-جومارت كەمەل ۇلى! بۇل كەزدەسۋگە وليمپيادا چەمپيونى رەتىندە قاتىسۋ – مەن ءۇشىن زور مارتەبە. التىن مەدال – مەنىڭ عانا ەمەس, اتا-انامنىڭ, باپكەرلەرىمنىڭ جانە مەن ءۇشىن الاڭداپ, قولداۋ كورسەتكەن بارشا قازاقستان ازاماتىنىڭ جەڭىسى. بۇل ايانباي تەر توگىپ جۇمىس ىستەسەڭ, جاقىن جانداردىڭ ماحابباتى مەن سەنىمى بولسا, ارمانداردىڭ ورىندالاتىنىن كورسەتەدى. پرەزيدەنت مىرزا, ءسىزدىڭ قولداۋىڭىزدىڭ ارقاسىندا سپورتشىلار ۇلكەن جەتىستىكتەرگە, جاڭا تاريحي رەكوردتارعا قول جەتكىزىپ ءجۇر. مەن وليمپيادا التىنىمەن شەكتەلمەيمىن. الدىمدا ۇزاق جول بار. ەلىمنىڭ سەنىمىن اقتاپ, جاس ۇرپاققا ۇلگى بولىپ, حالقىمىزدىڭ مەرەيىن ۇستەم ەتكىم كەلەدى. راحمەت سىزگە! سۇيىكتى وتانىما, قازاقستانىما قىزمەت ەتەمىن, – دەدى ميحايل شايدوروۆ.
ەسكە سالايىق, پرەزيدەنت XXV قىسقى وليمپيادا ويىندارىنداعى جەتىستىكتەرى ءۇشىن ميحايل شايدوروۆتى ءىى دارەجەلى «بارىس» وردەنىمەن, باپكەرى, جاتتىقتىرۋشى-كەڭەسشى الەكسەي ۋرمانوۆتى ءىى دارەجەلى «دوستىق» وردەنىمەن ماراپاتتادى. «قۇرمەت» وردەنى قازاقستان رەسپۋبليكاسىنىڭ مانەرلەپ سىرعاناۋدان ۇلتتىق قۇراما كومانداسىنىڭ باس جاتتىقتىرۋشىسى اسەم قاسانوۆاعا, مانەرلەپ سىرعاناۋدان جاتتىقتىرۋشى ستانيسلاۆ شايدوروۆقا, قازاقستاندىق كونكيمەن مانەرلەپ سىرعاناۋ وداعىنىڭ پرەزيدەنتى باۋىرجان ەرالىعا تابىستالدى.
وليمپيادا ويىندارىنىڭ جابىلۋ سالتاناتىندا قازاقستان تۋىن ميحايل شايدوروۆ الىپ شىقتى
