ەكى كۇندىك وپەراتسيا جۇرگىزۋ بارىسىندا وسىنداي 104 قۇقىق بۇزۋشىلىق, ونىڭ ىشىندە ينتەرنەت-پايدالانۋشىلارعا قا-تىستى 46 الاياقتىق, 18 اۆتورلىق جانە ساباقتاس قۇقىقتاردى بۇزۋ, اقپاراتتاندىرۋ جانە بايلانىس سالاسىندا 13 قۇقىق بۇزۋشىلىق, 12 ءىت-تەحنولوگيالاردى پايدالانا وتىرىپ جاسالعان ۇرلىق, 9 پورنوگرافيانى جانە ارنايى تەحنيكالىق قۇرالداردى تاراتۋدىڭ 6 فاكتىسى انىقتالدى.
ەركىن اينالىمدا تىيىم سالىنعان مىڭنان اسا ءونىم الىندى, وپەراتسياعا دايارلىق بارىسىندا بۇرىن جاسالعان 140 ينتەرنەت-الاياقتىق اشىلدى.
ماسەلەن, الماتى قالاسىندا جامبىل وبلىسىنىڭ تۋماسى ۇستالدى, ول ساۋدا ينتەرنەت-الاڭدارىندا اۆتوبولشەكتەردى ساتۋ جانە جەتكىزۋ تۋرالى جالعان جارنامالار ورنالاستىرىپ, اقشانى بانكتىك كارتوچكالارمەن الىپ, كەيىن جارنامالاردى جويعان جانە ابونەنتتىك ءنومىرىن اجىراتقان. قازىرگى ۋاقىتتا وعان قاتىستى الاياقتىقتىڭ وسىنداي 10-نان اسا فاكتىسى دالەلدەندى.
سوڭعى جىلدارى ينتەرنەت جەلىسىن الاياقتىق ماقساتىندا پايدالانا وتىرىپ جاسالاتىن قۇقىق بۇزۋشىلىقتاردىڭ سانى وسۋدە. ادامداردى الداۋ ءۇشىن الاياقتار الەۋمەتتىك جەلىلەردى, ساۋدا ينتەرنەت-الاڭدارىن پايدالانادى, جالعان ينتەرنەت-دۇكەندەر, «فەيكتىك» (جالعان) پاراقشالار جانە سايتتار قۇرادى.
وسىعان بايلانىستى, ءىىم قاۋىپسىزدىك شارالارىن ەسكە سالادى:
– قۇپيا سوزدەردى ۇنەمى اۋىستىرىپ وتىرۋ, ولار كۇردەلى بولۋى قاجەت;
– تولەم جۇيەلەرىندەگى بارلىق قاۋىپسىزدىك جۇيەلەرىن قوسۋ: سمس راستاۋ, ءىر-مەكەنجايلاردى قاداعالاۋ, 3D-secure جانە ت.ب.;
– كارتانى قاراۋسىز قالدىرۋ, دەرەكتەردى ەشكىمگە بەرمەۋ, ويتكەنى پلاستيكتى كارتادان اقشالاي قاراجات الۋ ءۇشىن كارتانىڭ ءنومىرىن جانە CVV-كودىن (كارتانىڭ ارتىنداعى سوڭعى ءۇش سان) بىلگەنى جەتكىلىكتى;
– كارتانى ءموبيلدى بانك قىزمەتىنە قوسۋ.
بانكتەر جانە تولەم جۇيەلەرى ەشقاشان حات جولدامايدى جانە ولاردىڭ قىزمەتكەرلەرى ءوز كليەنتتەرىنە ولاردىڭ شوتتارىنىڭ دەرەكتەرىن جولداۋ تۋرالى وتىنىشپەن قوڭىراۋ شالمايتىنىن ەستە ساقتاۋ قاجەت.
اقپاراتتاندىرۋ جانە بايلانىس سالاسىنداعى قۇقىق بۇزۋشىلىقتاردىڭ جولىن كەسۋ جانە اشۋ بويىنشا جۇمىس جالعاسۋدا.
