ەكونوميكا • 12 قاراشا، 2019

كاسىبي كادرلار جۇمىس ىستەۋى ءتيىس

43 رەت كورسەتىلدى

پرەزيدەنت جانىنداعى ورتالىق كوممۋنيكاتسيالار قىزمەتىندە اگرارلىق عىلىم، ءبىلىم بەرۋ مەن اۋىل شارۋاشىلىعى ءوندىرىسىنىڭ ءوزارا قارىم-قاتىناسىنىڭ ماسەلەلەرى جانە شەشۋ جولدارىنا ارنالعان ءباسپاسوز كونفەرەنتسياسى ءوتتى.

«ۇلتتىق اگرارلىق عىلىمي-ءبىلىم بەرۋ ورتالىعى» باسقارما توراعاسى تولەۋتاي راحىمبەكوۆتىڭ ايتۋىنشا، «كەيبىر زاڭنامالىق اكتىلەرگە اگروونەركاسىپتىك كەشەندى رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدا اۋىل شارۋاشىلىعى بەيىنى مامان-تۇلەكتەرىنىڭ ءتىزىمىن كەڭەيتۋ بولىگىندە ء«بىلىم تۋرالى» زاڭعا ءتيىستى وزگەرىستەر ەنگىزىلدى. وسىعان سايكەس اگرارلىق سالا بويىنشا گرانتپەن وقيتىن تۇلەكتەر بۇدان بىلايعى ۋاقىتتا مەنشىك نىسانىنا قاراماستان، اۋىلدىق جەرلەردە ورنالاسقان اگرارلىق مەكەمەلەردە كەمىندە 3 جىل جۇمىس ىستەۋى ءتيىس جانە جۇمىس ىستەۋ ءوڭىرىن انىقتاۋ بويىنشا شەكتەۋلەردى جويۋ قاراستىرىلعان.

اتالعان وزگەرىستەر اۋىل شارۋاشىلىعى ماماندىقتارى بويىنشا وقۋدى تامامداعان اۋىل تۇرعىندارى قاتارىنداعى ازاماتتارعا كۆوتامەن جۇمىسقا ورنالاسۋعا جانە وڭىرلەردى اوك كاسىبي كادرلارىمەن قامتاماسىز ەتۋ دەڭگەيىن ارتتىرۋعا مۇمكىندىك بەرەدى. سونداي-اق بۇگىنگى ەلىمىزدىڭ اگروونەركاسىپ كەشەنىن دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىنا وزگەرىستەر مەن تولىقتىرۋلار ەنگىزۋ جوباسى ازىرلەندى. اتالعان ماسەلە وسى جوبادا دا قاراستىرىلماق.

«قاي زاماندا دا كەز كەلگەن سالانىڭ نەمەسە مەملەكەتتىڭ دامىتۋشى كۇشى عىلىم ەكەنى بارشاعا ءمالىم. بۇگىنگى تاڭدا ەلىمىزدىڭ اۋىل شارۋاشىلىعىن جاڭا دەڭگەيگە الىپ شىعا الاتىن جالعىز باعىت بار. بۇل – اگرارلىق عىلىمنىڭ دامۋىنا جول اشۋ. اگرارلىق سالاداعى ءبىلىم مەن عىلىمنىڭ جانە ءوندىرىستىڭ باسىن قوسىپ، اگروسەكتوردىڭ قارقىندى دامۋى ءۇشىن قىزمەت ەتۋ – اگرارلىق ورتالىقتىڭ باستى ماقساتى. بۇل ەكونوميكانىڭ جاڭا سەكتورىنا اينالۋى كەرەك»،  دەدى سپيكەر.

اگرارلىق عىلىمي-ءبىلىم بەرۋ ورتالىعى توبىنىڭ ماتەريالدىق-تەحنيكالىق بازاسى 280 مىڭ گەكتار بولاتىن جەر ۋچاسكەسىن، اۋماعى 1 400 مىڭ شارشى مەتر عيماراتتار مەن قۇرىلىستاردى قامتيدى. 5 مىڭ اۋىل شارۋاشىلىعى تەحنيكاسى مەن اۆتوكولىك، 7 مىڭنان استام زەرتحانالىق جابدىقتارى بار.

ۇلتتىق اگرارلىق عىلىمي-ءبىلىم بەرۋ ورتالىعىنىڭ  قىز­مەتى عىلىمدى، ءبىلىمدى جانە ءوندىرىستى بىرىكتىرۋگە باعىت­تالعان. قازاقستان ورگانيكالىق ءونىم ءوندىرۋ جانە ەكسپورتتاۋ بويىنشا الەمدە جەتەكشى بولۋدىڭ ۇلكەن الەۋەتىنە يە. ورتالىق، مىنە، وسى الەۋەتتى اشۋ ماقساتىندا جۇمىس ىستەۋدە.

سونداي-اق باسقارما توراعاسى اۋىل شارۋاشىلىعى ماماندىعىندا وقيتىن جاستاردىڭ وقۋلىعى 70-80% مەملەكەتتىك تىلدە دايىندالاتىنىن ايتتى. «مەن 1986 جىلى الماتى اۋىل شارۋاشىلىعى ينستيتۋتىن ءبىتىردىم. ول كەزدە ءبىر توپتا 25 ستۋدەنت بولسا، جارتىسى اعىلشىن تىلىندە، جارتىسى قازاق تىلىندە وقيتىن، ال جالپى لەكتسيالار ورىس تىلىندە وتەتىن. قازىرگى ۋاقىتتا دارىستەر 70-80% انا تىلىمىزدە وتەدى»، دەيدى ول.

 

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار