جۇكتىلىك پەن بوسانۋ, جاڭا تۋعان بالانى (قىزدى) اسىراپ الۋ بويىنشا الەۋمەتتىك تولەمدەرگە ارنالعان شىعىستار 65,1 ملرد تەڭگەنى, بالا ءبىر جاسقا تولعانعا دەيىن ونىڭ كۇتىمى بويىنشا – 74,2 ملرد تەڭگەنى, ەڭبەك ەتۋ قابىلەتىنەن ايىرىلۋ بويىنشا – 11,4 ملرد تەڭگەنى, اسىراۋشىسىنان ايىرىلۋ بويىنشا – 7,8 ملرد تەڭگەنى, جۇمىسىنان ايىرىلۋ بويىنشا – 3,6 ملرد تەڭگەنى قۇرادى.
جاڭا تۋعان بالانى (بالالاردى) اسىراپ الۋعا بايلانىستى مەملەكەتتىك الەۋمەتتىك ساقتاندىرۋ قورىنان تولەنەتىن تولەمدەردىڭ ورتاشا مولشەرى 424 063 تەڭگەنى قۇرادى, مۇنداي تولەمدى 164 مىڭ قازاقستاندىق الدى.
بالا ءبىر جاسقا تولعانعا دەيىن ونىڭ كۇتىمى بويىنشا الەۋمەتتىك تولەمدەردىڭ مولشەرى 30 925 تەڭگەنى قۇرادى, ونى 395 مىڭ ازامات الدى.
54,7 مىڭ ادام جۇمىسىنان ايرىلۋ جاعدايى بويىنشا الەۋمەتتىك جاردەماقى الدى, ونىڭ ورتاشا مولشەرى 22 631 تەڭگەنى قۇرايدى.
46,6 مىڭنان استام قازاقستاندىققا اسىراۋشىسىنان ايرىلۋ جاعدايىندا تولەمدەر تولەندى, ولاردىڭ ورتاشا مولشەرى 17 628 تەڭگەنى قۇرادى.
تاعى 85,3 مىڭ ازامات ەڭبەككە قابىلەتىنەن ايرىلۋى جاعدايىندا الەۋمەتتىك جاردەماقى الدى. بۇل تولەمنىڭ ورتاشا مولشەرى 14 860 تەڭگەنى قۇرادى.
قازاقستاندا جۇمىس ىستەيتىن حالىقتى الەۋمەتتىك قورعاۋدىڭ قوسىمشا نىسانى رەتىندە مىندەتتى الەۋمەتتىك ساقتاندىرۋ ەنگىزىلدى. ماسق مىندەتتى الەۋمەتتىك ساقتاندىرۋ جۇيەسىنە قاتىساتىن الۋشىلارعا: مۇگەدەكتىگى بار ادامدارعا, اسىراۋشىسىنان ايىرىلعان وتباسىلارعا, جۇمىسىنان ايرىلعان ازاماتتارعا, جۇكتىلىگىنە جانە جۇكتى ايەلدەردىڭ بوسانۋىنا بايلانىستى, ءبىر جاسقا تولعانعا دەيىن بالا كۇتىمىنە بايلانىستى وتىرعان انالارعا تولەمدەر تولەۋدى قامتاماسىز ەتەتىن الەۋمەتتىك ماڭىزدى فۋنكتسيالاردى ورىندايتىنىن ەسكە سالامىز.
