ءداستۇرلى كەزدەسۋدىڭ ءبىرىنشى كۇنىندە «ەۋرازيا 2020 ءۇشىن 10 باستى سىن-قاتەر» تاۋەكەلدەر رەيتينگىسىنىڭ ەكىنشى باسىلىمىنىڭ تۇساۋى كەسىلدى.
اتالمىش زەرتتەۋ جۇمىسىنا ءىرى باق پەن حالىقارالىق ينستيتۋتتار جانە مەملەكەت كوشباسشىلارى پىكىرىنە قۇلاق اساتىن 40 بەدەلدى ساراپشى مەن ساياساتكەر قاتىستى. بۇدان بولەك, 70 ەلدىڭ 1100–دەن اسا كاسىبي سۇحباتكەرى ساۋالناماعا تارتىلدى.
اۋقىمدى زەرتتەۋ جۇمىسىنىڭ قورىتىندىسى تۋرالى ساراپشىلارعا جوبا جەتەكشىسى قازاقستان رەسپۋبليكاسى تۇڭعىش پرەزيدەنتى - ەلباسىنىڭ قورى جانىنداعى الەمدىك ەكونوميكا جانە ساياسات ينستيتۋتىنىڭ ديرەكتورى (اەسي) ەرجان سالتىباەۆ جانە رەيتينگتىڭ تەڭ اۆتورلارى سلوۆەنيا پرەزيدەنتى (2007-2012) دانيلو تيۋرك, كارنەگي قورىنىڭ ۆيتسە-پرەزيدەنتى ەۆان فەيگەنباۋم (اقش), سونداي-اق پير-ورتالىعىنىڭ توراعاسى, گەنەرال-لەيتەنانت ەۆگەني بۋجينسكي (رەسەي) تارقاتىپ ايتىپ بەردى.
جىل سايىنعى رەيتينگتى ازىرلەۋدەگى باستى ماقسات – ەۋرازيا ايماعىنداعى مەيلىنشە وزەكتى سىن-قاتەرلەردى ستسەنارلىق بولجاۋ مەن باعالاۋ.
