الداعى سارسەنبىدە ءماجىلىس دەپۋتاتتارى ەاەو-عا مۇشە مەملەكەتتەردىڭ قارجى نارىعى سالاسىنداعى زاڭناماسىن ۇيلەستىرۋ تۋرالى كەلىسىمدى راتيفيكاتسيالاۋعا قاتىستى زاڭ جوباسىن قارايدى. بۇل كەلىسىم قىزمەت كورسەتۋ سەكتورلارىندا باعالى قاعازدار نارىعىنداعى قىزمەت تۇرلەرىن جۇزەگە اسىرۋعا ارنالعان ليتسەنزيالاردى ءوزارا تانۋدى قامتاماسىز ەتۋ ءۇشىن جاعدايلار جاسايدى.
سونداي-اق جالپى وتىرىستا مىندەتتى الەۋمەتتىك ساقتاندىرۋ تۋرالى جانە وعان ىلەسپە زاڭ جوبالارى ەكىنشى وقىلىمدا قارالادى دەپ كۇتىلۋدە. ال جۇمىسقا قابىلداناتىن زاڭ جوبالارى قاتارىندا مامانداندىرىلعان مەكەمەلەردىڭ ارتىقشىلىقتارى مەن يممۋنيتەتتەرى تۋرالى كونۆەنتسيانى, سونىمەن قاتار تۇنشىقتىراتىن, ۋلى نەمەسە باسقا دا ۇقساس گازدار مەن باكتەريولوگيالىق قۇرالداردى سوعىستا قولدانۋعا تىيىم سالۋ تۋرالى حاتتامانى, 1992 جىلعى 15 مامىرداعى ۇجىمدىق قاۋىپسىزدىك تۋرالى شارتقا وزگەرىستەر ەنگىزۋ تۋرالى ەكىنشى حاتتامانى, 2002 جىلعى 7 قازانداعى ۇجىمدىق قاۋىپسىزدىك تۋرالى شارت ۇيىمىنىڭ جارعىسىنا وزگەرىستەر ەنگىزۋ تۋرالى ەكىنشى حاتتامانى, 2002 جىلعى 7 قازانداعى ۇجىمدىق قاۋىپسىزدىك تۋرالى شارت ۇيىمىنىڭ جارعىسىنا وزگەرىستەر ەنگىزۋ تۋرالى ءۇشىنشى حاتتامانى, 2002 جىلعى 7 قازانداعى ۇجىمدىق قاۋىپسىزدىك تۋرالى شارت ۇيىمىنىڭ قۇقىقتىق مارتەبەسى تۋرالى كەلىسىمگە وزگەرىستەر ەنگىزۋ تۋرالى ەكىنشى حاتتامانى راتيفيكاتسيالاۋعا قاتىستى قۇجاتتاردى ايرىقشا اتاپ وتۋگە بولادى.
