ۇلتتىق مادەنيەتتى ناسيحاتتايتىن Dombyra تەلەارناسىنىڭ وكىلى قانات ەرجىگىتوۆ مينيسترگە تەلەارنانى «وتاۋ تۆ» سپۋتنيك جەلىسىنە قوسۋ تۋرالى ءوتىنىشىن ءبىلدىردى. ونىڭ ايتۋىنشا, تاۋلىگىنە 24 ساعات بويى ۇلتتىق مادەنيەتتى ناسيحاتتايتىن تەلەارنا وسى جىلدىڭ باسىندا اشىلعان. ال جاننا ەسەنعارينا ەسىمدى ءوتىنىش ءبىلدىرۋشى Qazaqstan ۇلتتىق تەلەارناسىن دامىتۋ تۋرالى بىرنەشە ۇسىنىسىن ورتاعا سالدى.
ءمينيستردىڭ قابىلداۋىندا بولعان شارا ناقىپوۆا «رۋحاني جاڭعىرۋ» باعدارلاماسى اياسىندا «بىرگە» جوباسىن دامىتۋ ماسەلەسىن كوتەردى.
ءوتىنىش بەرۋشىلەردىڭ تىلەگىن ءجىتى تىڭداعان مينيستر ۆەدومستۆو قۇزىرەتى شەڭبەرىندە بارلىعىنا شاما-شارقىنشا قولداۋ كورسەتىلەتىنىن ايتتى. «جالپى, مەملەكەتتىك ورگاندار باسشىلارىنىڭ قابىلداۋ وتكىزۋى وتە ورىندى. Nur Otan پارتياسىنىڭ الاڭىن پايدالانعان وتە دۇرىس دەپ ويلايمىن. كەيبىر سۇراقتاردىڭ ءبىزدىڭ مينيسترلىككە قاتىسى جوق ەكەنىن كورىپ وتىرمىز. ازاماتتار ءبىر ماسەلەنى ءتۇسىنۋى كەرەك. مەملەكەتتىك جۇيە جۇمىس ىستەيدى. ەگەر حات دۇرىس جازىلىپ, باعىتتالسا, وعان مىندەتتى تۇردە جاۋاپ بەرىلەدى, دەدى داۋرەن اباەۆ قابىلداۋدىڭ سوڭىندا.
سونىمەن بىرگە مينيستر قابىلداۋدا ايتىلعان ماسەلەلەر بويىنشا جاۋاپتى ورگاندارعا بەرىلگەن تاپسىرمالاردىڭ ورىندالۋى ءجىتى قاداعالاناتىنىن دا جەتكىزدى.
