ال بۇل جولعى ماراپاتتىڭ ورنى بولەك. جۋىردا دۋبايدا وتكەن Jumeirah sounds اتتى ءىىى حالىقارالىق جاستار بايقاۋىنا قاتىسىپ, ەكى جۇلدەگە يە بولدى.
قارا دومبىرانىڭ قۇلاعىندا ويناعان ونەر كوللەدجىنىڭ ستۋدەنتتەرى «سالتانات», «تالاس», «يرەڭ» كۇيلەرىن تامىلجىتا ورىنداپ بەرىپ, شەتەلدىكتەردىڭ ۇلكەن قوشەمەتىنە بولەندى. ءسويتىپ, كورەرمەندەردى كۇي قۇدىرەتىنە ەرىكسىز باس ءيدىردى.
قازاقستاننان بولەك, فرانتسيا, ونتۇستىك كورەيا, گەرمانيا سەكىلدى ىرگەلى ەلدەر قاتىسقان باسەكەدە راسۋل ومىرزاق سۋىرىلىپ شىعىپ, گران ءپريدى قانجىعاعا بايلادى. ال كاميلا ماقپوز قوس كەزەڭدە دە قازىلار القاسىنىڭ جوعارى باعاسىنا يە بولىپ, ءبىرىنشى ورىندى يەلەندى.
«الدا تاعى ءبىر حالىقارالىق بايقاۋ كۇتىپ تۇر. ول فرانتسيادا وتەدى» دەيدى “كۇدەر” ءانسامبلىنىڭ جەتەكشىسى, قر مادەنيەت قايراتكەرى تويكەن كۇدەروۆا.
سولتۇستىك قازاقستان وبلىسى
