«قازاقستان مەن رەسەي وڭىرارالىق ىنتىماقتاستىق فورۋمى ىسكەرلىك باعىتتا وتكەنىمەن, كەزدەسۋلەردە دوستىق نيەت ايقىن كورىنىپ تۇردى. قاسىم-جومارت كەمەل ۇلى توقاەۆ پەن ۆلاديمير ۆلاديميروۆيچ ءپۋتيننىڭ كەلىسسوزدەرى, فورۋمنىڭ جالپى وتىرىسى سىندارلى ءارى ساليقالى سيپاتتا ءوتتى. ەكى ەلدىڭ كوشباسشىلارى تالقىلانعان بارلىق ماسەلەلەر بويىنشا ءبىر پىكىردە بولدى, ورتاق شەشىمگە كەلدى. رەسەي پرەزيدەنتى ۆلاديمير ءپۋتيننىڭ قازاقستان پرەزيدەنتى قاسىم-جومارت توقاەۆقا ەرەكشە قۇرمەتى مەن ءىلتيپاتى ونىڭ ومبى اۋەجايىنا دەيىن كەلىپ, ارىپتەسىن ءوزى ارنايى شىعارىپ سالعانىنان انىق بايقالدى» دەلىنگەن حابارلامادا.
