ايماقتار • 08 قاراشا، 2019

قۇران وقۋدان جارىس ءوتتى

39 رەتكورسەتىلدى

وبلىس ورتالىعىنداعى ءماشھۇر ءجۇسىپ اتىنداعى ورتالىق مەشىتىندە قىز-كەلىنشەكتەر اراسىندا قۇران جاتتاۋ جانە وقۋ جارىسى جىل سايىن وتكىزىلىپ كەلەدى.

سۋرەتتى تۇسىرگەن: فارحات امىرە

بيىلعى جارىستىڭ باستى ەرەكشەلىگى – قاتىسۋشىلار قۇراندى قازاقشا ماعىناسىمەن بىرگە جاتتاۋى كەرەك. قاتىسۋشىلار «ياسين»، «م ۇلىك» سۇرەلەرىن جانە 22 سۇرەنى جاتقا ايتۋ اتالىمدارى بويىنشا سىنعا ءتۇستى.

سايىسقا قالا مەشىتتەرىنىڭ 16 جاستان اسقان شاكىرتتەرى قاتىستى. ارالارىندا زەينەت جاسىنداعى اجەلەر دە بولدى.

سايىستىڭ اشىلۋىنا وبلىستىڭ باس يمامى جولداس قاجى قوسپاق ۇلى قاتىسىپ، قۇران جاتتاۋدىڭ ماڭىزى تۋرالى  ايتىپ،  قاتىسۋشىلارعا ساتتىلىك تىلەدى.

بۇدان كەيىن ء«ماشھۇر ءجۇسىپ» ورتالىق مەشىتىنىڭ «ايەل-قىزدار» سەكتورىنىڭ مەڭگەرۋشىسى، ۇستاز اقەركە تۇرعىنباي جينالعاندارعا سايىس  شارتتارىن ءتۇسىندىرىپ، قازىلار القاسىمەن تانىستىردى.

–اللا ەلشىسىنىڭ حاديستەرىندە قۇران وقۋ ادامدى بۇكىل بولمىسىمەن ىزگىلىككە بەت بۇرعىزاتىن ايتقان. ءبىر حاديسىندە: «ەگەر قۇران وقيتىن مۇسىلماننىڭ ىشكى دۇنيەسىنە ءۇڭىلىپ قاراساڭ، ونىڭ تاپ-تازا ەكەنىن كورەسىڭ، ەگەر دە ءجۇرىس-تۇرىسىنا قاراساڭ، ونىڭ كوركەم مىنەز-ق ۇلىقتى، بيازى ەكەنىن كورەسىڭ» دەلىنگەن، – دەدى اقەركە تۇرعىنباي.

قازىلار القاسىنىڭ قۇرامىندا مەشىت ۇستازدارى اقەركە تۇرعىنباي، ءنۇريلا تىلەۋوۆا، جادىرا بەردىمۇراتوۆا جانە بيجان مەشىتىنىڭ ۇستازى ايدانا ابدىماجىتقىزى بولدى.

سايىس قورىتىندىسى بويىنشا «ياسين سۇرەسىن جاتتاۋ» اتالىمىندا  ءبىرىنشى ورىندى ورتالىق مەشىتتىڭڭ شاكىرتى جامال سارسەمباەۆا جەڭىپ الدى. ەكىنشى ورىندى بيجان مەشىتىنىڭ شاكىرتى الماگۇل مەركانوۆا يەلەندى.

ال، «22 سۇرە جاتتاۋ» اتالىمى بويىنشا  ديانا قازىمباەۆا ءبىرىنشى ورىندى، ەكىنشى ورىندى الماگۇل ارستامحانقىزى، ءۇشىنشى ورىندى باقىتجان تىلەۋباەۆاعا بەرىلدى.

بارلىق قاتىسۋشىلار ارنايى سەرتيفيكاتتارمەن ماراپاتتالدى.

سوڭعى جاڭالىقتار

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

بالۋاندار تارازدا بەلدەسەدى

كۇرەس • 15 قاراشا، 2019

Grand Slam جارىسىندا بەلدەسەدى

سپورت • 15 قاراشا، 2019

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • 15 قاراشا، 2019

ۇقساس جاڭالىقتار