ايماقتار • 08 قاراشا، 2019

جەتەلى جەتى جوبا

30 رەتكورسەتىلدى

بيىل مامىر ايىندا قازاق ۇلتتىق قىزدار پەداگوگي­كالىق ۋنيۆەر­سيتەتىنىڭ عالىمدارى مەن ستۋدەنتتەرى بىرلەسە وتىرىپ، «7 جاڭا تۋريستىك مارشرۋت» جوباسىن قولعا العان-دى. جاقىندا اتالعان ستارتاپ جوبا اياسىندا الماتى وبلىسىنىڭ تاريحي ورىندارىنا ارنايى ەكسپەديتسيا جاساقتالىپ، ستۋدەنتتەر كيەلى جەرلەرمەن تانىسىپ قايتتى.

ونىڭ الدىندا جاڭا مار­شرۋتتاردىڭ جەلىسىن جا­ساق­تاۋ ءۇشىن ستۋدەنتتەر مەن ما­­گيسترانتتار اراسىندا كون­­­كۋرس ۇيىمداستىرىلعان. سايىس بارىسىندا ءار كوماندا كوپشىلىككە كەڭىنەن تانىلا قويماعان، الايدا تۋريستىك الەۋەتى جوعارى نىسانداردىڭ وزىندىك ەرەك­شەلىگىن تانىس­تىرىپ، بيزنەس-جوسپارىن قورعادى. قازىلار القاسى ءار­­بىر جوبا­نىڭ ءمانى مەن ما­ڭى­زىن ساراپقا سالا كەلە، قا­زاق فيلولوگياسى جانە الەم تىلدەرى فاكۋلتەتىنىڭ «جە­تىسۋ» توبىنىڭ «جە­تىسۋ – جەر ءجان­ناتى» تاقى­رى­بىن­داعى جوباسى ۇزدىك دەپ تانىلعان بولاتىن. جوبادا «جەتى قا­زىنا» قۇسبەگىلەر مۇ­را­جايى، «ويرانتوبە» تاريحي ورنى، «با­رتوعاي» كولى، شارىن شات­قالىنداعى «قا­مالدار اڭعارى»، «جا­بىر»، «تەمىرلىك شىڭ­عىسحان بەي­نەسى»، «قى­زىل­ساي» سياق­تى تاريحي، تا­بيعي ەرەك­شە­لىگى بار نىساندار قاراس­تىرىلعان.

وسىلايشا «جەتىسۋ» تو­بىنىڭ مۇشەلەرى «قۇس­بە­گىلىك – قازاقتىڭ ءتول ونە­رى» ەكسپەديتسياسىنىڭ قۇ­رامىندا الماتى وبلىسى ەڭبەكشىقازاق اۋدانىنداعى «جەتى قازىنا» قۇسبەگىلەر مۇ­­راجايىنا ارنايى باردى. 2003 جىلى اشىلعان مۇراجاي ساياتشىلىق ونەرىن وركەندەتىپ وتىر. بۇ­گىندە مۇندا 11 قۇسبەگى مەن قىران بۇركىتتەر بار.

بۇركىتتەن بولەك مۇندا قازاقتىڭ تازا تۇقىمدى تازىسى مەن توبەتتەرى، سايات­شى­لىققا قاجەتتى قۇرال-جاب­دىقتار، بالبال تاستار بار. جادىگەرلەردىڭ بارلىعى جەر­گىلىكتى تۇرعىنداردىڭ كومەگىمەن جيناقتالعان.

سونىمەن قاتار ەكسپەديتسيا اياسىندا شارىن شاتقالىنا دا ارنايى ساپار ۇيىمداستىرىلدى. گەو­گرافيا جانە تۋريزم كافە­دراسىنىڭ مەڭگەرۋشىسى شاي­حيسلام لايس­حانوۆتىڭ ايتۋىن­شا، «القاپتار عيمارا­تى» دەپ اتالاتىن شارىن شات­قالى الماتى قالاسى­نان 195 شاقىرىم قاشىقتىقتا ورنالاسقان.

ستۋدەنتتەر ساياحاتتىڭ وتە قىزىقتى ءارى اسەرلى بول­عا­نىن ايتادى. ولار وسىنداي ساياحات ارقىلى تابيعي، تاريحي نىسانداردى كوپشىلىككە كورسەتەتىن جاڭا تۋريستىك مار­شرۋتتاردى قۇراستىرماق.

 

الماتى

 

سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار