«كەلىسىممەن اقپاراتتىق تەحنولوگيالار سالاسىنداعى ىنتىماقتاستىقتىڭ قۇقىقتىق نەگىزدەرى جاسالادى, قىلمىستىق جازالاناتىن ارەكەتتەردىڭ, تەرمينولوگيالاردىڭ بىرىڭعاي ۇعىمى قامتاماسىز ەتىلەدى, سونداي-اق قۇزىرەتتى مەملەكەتتىك ورگاندار مەن ولاردىڭ ءوزارا ءىس-قيمىل ءتارتىبى ايقىندالادى», - دەدى سەناتور ت.مۇساباەۆ ءوز بايانداماسىندا.
كەلىسىمدى راتيفيكاتسيالاۋ تمد-عا قاتىسۋشى مەملەكەتتەردىڭ ءوزارا ءىس-قيمىلىن جانداندىرۋعا, اقپاراتتىق تەحنولوگيالاردى پايدالانا وتىرىپ جاسالعان قىلمىستاردى انىقتاۋ, جولىن كەسۋ جانە اشۋ جونىندەگى جۇرگىزىلەتىن بىرلەسكەن ۆەدومستۆوارالىق پروفيلاكتيكالىق, جەدەل-ىزدەستىرۋ ءىس-شارالارىنىڭ جانە ارناۋلى وپەراتسيالاردىڭ ناتيجەلىلىگىن ارتتىرۋعا مۇمكىندىك بەرەدى.
زاڭ جوباسى قاتىسۋشى مەملەكەتتەردىڭ اقپاراتتىق تەحنولوگيالار سالاسىنداعى ۇلتتىق زاڭناماسىن جاقىنداستىرا وتىرىپ, وسى سالاداعى قىلمىستارمەن كۇرەستىڭ حالىقارالىق شەڭبەرىن كەڭەيتەدى جانە نىعايتادى.
كوميتەت قاراستىرعان ەكىنشى قۇجات – قازاقستان مەن قىرعىز ۇكىمەتتەرى اراسىنداعى مەملەكەتتىك شەكارا ارقىلى وتكىزۋ پۋنكتتەرى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوباسى.
حاتتامامەن «سارىتوبە» جانە «اۋحاتتى» اۆتوموبيل وتكىزۋ پۋنكتتەرىنىڭ مارتەبەسىن حالىقارالىق ەكىجاقتىدان حالىقارالىق كوپجاقتىعا اۋىستىرۋ, سونداي-اق, قازاقستاندىق «نوۆوۆوسكرەسەنوۆكا» وتكىزۋ پۋنكتىنىڭ اتاۋىن «سىپاتاي باتىر» دەپ وزگەرتۋ تۋرالى وزگەرىستەر ەنگىزىلەدى.
حاتتامانى راتيفيكاتسيالاۋ «قاراسۋ» جانە «قورداي» وتكىزۋ پۋنكتتەرىنىڭ جۇكتەمەسىن جەڭىلدەتۋگە مۇمكىندىك بەرەدى, سونداي-اق, شەكارا ماڭىنداعى ىنتىماقتاستىقتى جاقسارتۋعا جانە قىرعىزستانمەن ساۋدا-ەكونوميكالىق قاتىناستاردى ودان ءارى دامىتۋعا قولايلى جاعدايلار جاسايدى.
قۇجاتتار پالاتا قاراۋىنا بەرىلدى.
