ايتا كەتۋ كەرەك, بۇل ەلباسى نۇرسۇلتان نازارباەۆتىڭ جەر پلانەتاسىنداعى بەيبىت ءومىردى نىعايتۋ باعىتىنداعى وتە ماڭىزدى ءارى تىڭ قادامى بولىپ تابىلادى. كەڭەستەر وداعى تاراۋىنا ءتورت اي قالعان تۇستا قازاقستان پرەزيدەنتى نۇرسۇلتان ءابىش ۇلى پوليگوننان زارداپ شەككەن حالىقتىڭ تاۋقىمەتىن توقتاتۋ ءۇشىن, الەمدەگى قاۋىپسىزدىكتى ساقتاۋ ماقساتىندا ءوز جارلىعىمەن سىناق الاڭىنىڭ جۇمىسىن توقتاتتى.
جاقىندا وسى كۋرچاتوۆتا اقش-تىڭ ايداحو (INL) جانە وك-ريدج (ORNL) ۇلتتىق زەرتحانالارى ماماندارىنىڭ قاتىسۋىمەن كەزەكتى تەحنيكالىق كەڭەستەر بەرىلگەن كەزدەسۋ بولىپ ءوتتى. ماقسات - بەيبىت اتومدى دامىتۋ. تەحنيكالىق كەڭەستە «بايكال-1» زرك ينفراقۇرىلىمىنداعى يۆگ.1م رەاكتورىنىڭ ساۋلەلەنگەن جوعارى بايىتىلعان ۋران وتىنىن رەسەي فەدەراتسياسىنا قايتارۋعا دايىندىق تۋرالى ماسەلە دە قاراستىرىلدى. سول سياقتى قر ۇلتتىق يادرولىق ورتالىعىندا ازىرلەنىپ جاتقان يگر رەاكتورىنىڭ ساۋلەلەنگەن وتىنىن سۇيىلتۋ تەحنولوگياسى دا تالقىلاندى. اتقارىلىپ جاتقان جۇمىستارعا اقش ۇلتتىق زەرتحانالارىنىڭ ماماندارى جوعارى باعا بەردى.
كۋرچاتوۆ قالاسى
شقو
