اقتاۋ, اقتوبە جانە اتىراۋ گارنيزوندارى اۋە شابۋىلىنا قارسى قورعانىس بولىمشەلەرىنىڭ 200-گە جۋىق اسكەري قىزمەتشىسى ءىس جۇزىندە جاۋىنگەرلىك ماقساتتاعى ماسەلەلەردى پىسىقتادى. وعان 50-گە جۋىق اسكەري تەحنيكا جۇمىلدىرىلدى.
اسكەري قىزمەتشىلەر زۋ-23-2 زەنيتتىك قوندىرعىلارىنان جانە تاسىمالداناتىن زەنيتتىك-زىمىران كەشەنىنەن جاۋىنگەرلىك جانە وقۋ-جاتتىعۋ اتىستارىن, زەنيتتىك-ارتيللەريالىق ۆزۆودتار اتىستارىن جانە زەنيتتىك ديۆيزيوننىڭ تاكتيكالىق جاتتىعۋلارىن ورىندادى, سونداي-اق جاۋىنگەرلىك ۇيلەستىرۋدىڭ سوڭعى كەزەڭىن پىسىقتادى.
جيىن بارىسىندا دايىندىعى جاقسى بولىمشەلەردى انىقتاۋ ءۇشىن ارنايى سايىس ۇيىمداستىرىلدى. اسكەري قىزمەتشىلەر زەنيتتىك-ارتيللەريانىڭ اتىس كۋرسى بويىنشا تەوريالىق ەرەجەلەرىنەن بىلىكتىلىكتەرىن كورسەتىپ, تاكتيكالىق جانە ارنايى دايارلىق بويىنشا كورسەتكىشتەرىن ورىندادى.
«باتىس» وڭىرلىك قولباسشىلىعىنىڭ اۋە شابۋىلىنا قارسى قورعانىس اسكەرلەرىنىڭ باستىعى, پودپولكوۆنيك رۋسلان نۇراحمەتوۆتىڭ ايتۋىنشا, اتىراۋ قالاسى اسكەري ءبولىمىنىڭ زەنيتشىلەرى ۇزدىك ناتيجەگە قول جەتكىزگەن.
وتكىزىلگەن جاۋىنگەرلىك اتىستار مەن تاكتيكالىق وقۋ-جاتتىعۋلاردىڭ ناتيجەلەرى بويىنشا زەنيتتىك بولىمشەلەردىڭ كومانديرلەرى ولاردى جاۋىنگەرلىك ازىرلىككە كەلتىرۋ كەزىندە, جاۋىنگەرلىك ءىس-قيمىلداردى دايىنداۋ جانە جۇرگىزۋ كەزىندە اسكەرلەردى باسقارۋدا جاڭا پراكتيكالىق تاجىريبە الدى. زەنيتتىك ديۆيزيونداردىڭ تاكتيكالىق جاتتىعۋلارى جاقسى دايارلانعان بولىمشەلەردى انىقتاۋعا, سونداي-اق اۋە شابۋىلىنا قارسى قورعانىس اسكەري قىزمەتشىلەرىن دايارلاۋ جۇيەسىن ودان ءارى جەتىلدىرۋ ءۇشىن جۇمىس جوسپارىن انىقتاۋعا مۇمكىندىك بەردى.
