ىنتىماقتاستىق كوميتەتىنىڭ وتىرىسى ءوتتى

قازاقستان رەسپۋبليكاسى – قىتاي حالىق رەسپۋبليكاسى ىنتىماقتاستىق كوميتەتىنىڭ 9-وتىرىسىندا ساۋدا-ەكونو­مي­كالىق, ەنەرگەتيكالىق, عىلىمي-تەح­نيكالىق, قارجىلىق, كولىك, ما­دەني-گۋمانيتارلىق, سۋ جانە ەكو­لوگيالىق, گەولوگيالىق جا­نە كەدەندىك ىنتىماقتاستىق پەن قاۋىپسىزدىك سالاسىنداعى 10 مامانداندىرىلعان كىشى كو­مي­تەتتىڭ جانە ەكى بىرلەسكەن كوميسسيانىڭ جۇمىس ناتيجەلەرى قارالدى.

تاراپتاردىڭ دامۋ ماق­سات­تارى مەن تۇجىرىم­دامالارى ۇق­ساس, تىعىز بايلانىس پەن ۇيلەس­تىرۋ بار, سونداي-اق ءتۇرلى سالالارداعى ىنتىماقتاستىقتىڭ ساپاسى مەن دەڭگەيى كۇن ساناپ جاقسارىپ كەلە جاتقانى ايتىلدى.

قازاقستان رەسپۋبليكاسى مەن قىتاي حالىق رەسپۋب­ليكا­سى اراسىنداعى ساۋدا-ەكو­نو­ميكالىق ىنتىماقتاستىقتىڭ ورتامەرزىمدى جانە ۇزاقمەرزىمدى پەرسپەكتيۆالارعا باعىتتالعان (2020-2025 جج.) بىرلەسكەن دامۋ جوسپارىن جۇزەگە اسىرۋ تۋرالى كەلىسىمگە قول جەتكىزىلدى.

قازاقستان رەسپۋبليكاسى مەن قحر اراسىنداعى ءوزارا ساۋدا-ساتتىق اياسىن كەڭەيتۋ ماق­ساتىندا قىتايعا قازاقستاندىق ەكسپورتتىق ونىمدەردى, سونىڭ ىشىندە ەنەرگەتيكا مەن اۋىل­شا­رۋاشىلىق ونىمدەرىن جەتكىزۋ كولەمىن ارتتىرۋ تۋرالى كەلىسىم جاسالدى.

وتىرىس قورىتىندىسى  بو­يىنشا كوميتەت توراعالارى حات­تاماعا قول قويدى. تاراپتار كو­مي­تەتتىڭ 10-وتىرىسىن 2021 جىلى قازاقستاندا وتكىزۋگە كە­لىستى.

ايتا كەتۋ كەرەك, قازاقستان-قىتاي ىن­تى­ماقتاستىق كوميتەتى 2004 جىلى ءتۇرلى سالاداعى ەكىجاق­تى قاتىناستاردى جۇيەلى جانە جان-جاقتى دامىتۋ ماقساتىندا قۇرىلدى.