پارلامەنت • 04 قاراشا، 2019

ءوڭىردى دامىتۋدىڭ وزەكتى ماسەلەلەرى قارالدى

15 رەت كورسەتىلدى

قازاقستان رەسپۋبليكاسى پارلامەنتى سەناتىنىڭ توراعاسى داريعا نازارباەۆا جۇمىس ساپارىمەن پاۆلودار وبلىسىندا بولدى.

جۇمىس ساپارى پاۆلودار وبلىس­تىق جانە قالالىق ءماسليحات دەپۋتات­تارىمەن كەزدەسۋدەن باستال­دى. جۇزدەسۋدە پارلامەنت سەنا­تى مەن ايماقتاعى زاڭ شىعارۋ ور­گان­دارىنىڭ ءوزارا ءىس-قيمىل ماسەلەلەرى تالقىلاندى. د.نازارباەۆانىڭ ايتۋىن­شا، ەلدىڭ باسقارۋ جۇيەسىندە جەرگى­لىكتى ءوزىن ءوزى باسقارۋ تولىق­قان­دى جانە كۇشتى بۋىن بولۋى ءتيىس.

كەزدەسۋ بارىسىندا دەپۋتاتتار سەنات توراعاسىنا ايماقتى دامى­تۋدىڭ وزەكتى ماسەلەلەرى تۋرالى ايتتى. امبۋلاتورلىق كومەك كورسەتۋ تا­ريفتەرىن ارتتىرۋ، قۇرىلىستىڭ ساپاسى مەن قاۋىپسىزدىگى، وقۋشىلاردى ىستىق تاماقپەن قامتاماسىز ەتۋگە قاتىستى اڭگىمە ءوربىدى.

دەپۋتاتتار سونداي-اق وڭىردەگى ەكولوگيالىق ماسەلەلەردى دە قوزعادى، ولاردى ونەركاسىپ وندى­رىس­تەرىنىڭ اتموسفەرانى لاستاۋى ەرەكشە الاڭداتىپ وتىر.

سەنات باسشىسى ءوز سوزىندە تابي­عات­تى قورعاۋ قىزمەتىن قارجىلىق قام­تا­ما­سىز ەتۋ ماسەلەلەرىنە باسا نا­زار اۋ­داردى. د.نازارباەۆا قازىرگى كەز­دە ەكولوگيالىق تۇرعىدا زيان كەل­تى­رەتىن كاسىپورىندار از ايىپپۇل تو­لەپ كەلە جاتقانىن، دەگەنمەن بۇل جاع­­دايدى وزگەرتۋ كەرەكتىگىن اتاپ ءوتتى. جي­نال­عان قاراجاتتى ءبولۋ جو­نىن­­دە دە نازار اۋداراتىن ماسەلەلەر بار.

«بۇل ايىپپۇلدار قايدا كەتىپ جاتىر، ولار قايدا جيناقتالادى، كىمنىڭ قاراماعىنا تۇسەدى؟ ءبىز ونى ۇكىمەتپەن بايىپتى تۇردە تالقىلاۋىمىز كەرەك. بىلاي بولۋى كەرەك، وبلىستا ورنالاسقان كاسىپورىنداردىڭ ەميسسيالارىنان جينالاتىن قارجىنىڭ ەداۋىر بولىگى وبلىستا قالىپ، تابيعات قورعاۋ شارالارىنا جىبەرىلۋى ءتيىس»، – دەدى د.نازارباەۆا.

د.نازارباەۆا س.تورايعىروۆ اتىن­داعى عىلىمي امبەباپ كىتاپحاناسىندا وبلىستىق جانە قالالىق قوعامدىق كەڭەس مۇشەلەرىمەن كەزدەستى. بيلىك پەن حالىق اراسىنداعى ۇنقاتىسۋداعى جۇرتشىلىق وكىلدەرىنىڭ ءرولى، سونداي-اق قوعامدىق كەڭەستەر جۇمىسىنىڭ تە­تىك­تەرىن جەتىلدىرۋ تالقىلاۋ تاقى­رى­بى بولدى.

سەنات توراعاسى جۇمىس ساپارى با­رىسىندا «پاۆلودار» ارنايى ەكو­نو­ميكالىق ايماعىندا بايىتىلعان اليۋميني ءوندىرۋ زاۋىتىندا بولدى.

داريعا نازارباەۆاعا ارنايى ەكو­نو­ميكالىق ايماعىنىڭ جۇمىسى كور­سەتىلىپ، ينۆەستورلارعا ارنالعان جاع­دايلار تۋرالى ايتىلدى. سەنات تور­اعاسى بايىتىلعان اليۋميني شى­عاراتىن جانە ونىڭ جەڭىل بالقى­ماسىنان اۆتوموبيل ديسكىلەرىن جاسايتىن «Giessenhaus» زاۋىتىنىڭ جۇمىسىمەن تانىستى. زاۋىت 2017 جىلى ىسكە قوسىلعان بولاتىن. كاسىپ­ورىننىڭ جوبالىق قۋاتى جىلىنا 5400 توننا ءونىمدى قۇرايدى.

سەنات توراعاسى سونداي-اق قازاقستان جاستار كونگرەسى كەڭەسىنىڭ توراعاسى داريعا نازارباەۆا پاۆلو­دار وبلىسىندا جاستار كونگرەسىنىڭ كۇنى اياسىنداعى شارالارعا قاتىستى.

اتاپ ايتقاندا، م.كاتاەۆ اتىن­داعى وقۋشىلار سارايىندا جەت­كىنشەكتەردى «جاس ۇلان» قاتارىنا سالتاناتتى قابىلداۋ راسىمىنە قاتىسىپ،  «جاسۇلاندىقتار» قاتارىنا جاڭادان قابىلدانعان جاستارعا ىزگى تىلەگىن ايتتى.

سەنات توراعاسى ودان كەيىن جاقىن ارادان بەرى Toraighyrov University دەپ اتالاتىن پاۆلودار مەملەكەتتىك ۋنيۆەرسيتەتىندە بولدى. بۇل جەردە جاستاردىڭ «جاسىل ەل» ەڭبەك جاساقتارىنىڭ XV ماۋسىمى سالتاناتتى تۇردە جابىلدى.

ەڭ ۇزدىك جاۋىنگەرلەر مەن وتريادتار ء«Úzdىk sarbaz»، ء«Úzdىk jasaq»، ء«Úzdىk ءjetekshى»، ء«Úzdىk komandir» جانە تاعى باسقا ارنايى اتاۋلار بويىنشا ماراپاتتالدى.

سەنات باسشىسى جاستار باستامالارىن دامىتۋ ورتالىعىندا ۇلتتىق ەرىكتىلەر جەلىسىنىڭ ەرىكتىلەر باستامالارى كورمەسىنە قاتىستى.

رەسپۋبليكالىق «Jomart Jurek» سىيلىعىنىڭ «جىل ەرىكتىسى» اتاۋى بويىنشا يەگەرى اياجان قۇرمانوۆا ايماقتاعى ەرىكتىلەردىڭ قىزمەتىن قوناق­تارعا تانىستىردى جانە «اقكوڭىل­دەر كلۋبى»، شالا تۋعان بالالارعا كومەك كورسەتۋ جونىندەگى «28 ىلمەك» قايىرىمدىلىق كلۋبى، «ۆيتا» ىزدەستىرۋ جاساعى تۋرالى ايتىپ بەردى.

پارلامەنت سەناتىنىڭ توراعاسى پاۆلودارداعى دوستىق ۇيىندە قازاقستان جاستار كونگرەسىنىڭ جالپى وتىرىسىنا قاتىسىپ، رەسپۋبليكالىق جاستار ۇيىمدارىنىڭ وكىلدەرىمەن كەزدەستى. كەزدەسۋ بارىسىندا داريعا نازارباەۆا جاستار كونگرەسىنىڭ مۇشەلەرىنە مەدالدار مەن العىس حاتتار تابىس ەتتى.

سوڭعى جاڭالىقتار

سالماعى 92 گرامدىق پرينتەر

تەحنولوگيا • بۇگىن، 13:30

ۇقساس جاڭالىقتار