ويىننىڭ ءبىرىنشى كەزەڭىنەن باسىمدىقتى ءوز قولدارىنا العان «استانا» باسكەتبولشىلارى ماتچ سوڭىنا دەيىن ۇستەمدىگىن قارسىلاستارىنا بەرگەن جوق. ەلوردا كومانداسى ءبىرىنشى كەزەڭدە 15:19 ەسەبىمەن باسىم تۇسسە, ەكىنشى جانە ءۇشىنشى كەزەڭدە 23:30, 21:30 ناتيجەسىمەن جەڭىسكە جەتتى. ال سوڭعى شەشۋشى كەزەڭدە «اتىراۋ بارىستارىنا» ەش مۇمكىندىك قالدىرمادى. ەسەپ – 8:23. ال ءتورت كەزەڭىنىڭ قورىتىندىسى بويىنشا «استانا» 102:67 ۇپايمەن كەزەكتى جەڭىسىنە قول جەتكىزدى.
التى تۋردان كەيىن تۋرنير كەستەسىندە 13 ۇپاي جيناعان «اتىراۋ بارىستارى» كوش باستاپ تۇر. بىراق اتىراۋ كومانداسى قارسىلاستارىنا قاراعاندا ەكى ويىن كوپ وتكىزگەن. ال التى ويىننان كەيىن 12 ۇپايى بار «استانا» ەكىنشى, قوستانايدىڭ «توبىلى» 10 ۇپايمەن ءۇشىنشى ورىندا كەلەدى.
