جالپى, پرەزيدەنت نۇسقاۋلارىنا سايكەس اگەنتتىكتە «ەستيتىن مەملەكەت» تۇجىرىمداماسى دايەكتى تۇردە ىسكە اسىرىلۋدا. اتاپ ايتقاندا, ازاماتتاردىڭ وتىنىشتەرىن قاراۋ تاسىلدەرى تۇبەگەيلى قايتا قارالعان. ء«بىز جانە ءبىزدىڭ «ادالدىق الاڭى» جوبالىق كەڭسەلەرىمىز كومەگىمەن ءار ءوتىنىش مۇقيات قاراستىرىلىپ, ماسەلەلەر وڭ شەشىلەدى. وعان دالەل رەتىندە 2 مىڭنان استام ازاماتتىڭ بۇزىلعان قۇقىقتارىنىڭ قالپىنا كەلتىرىلگەنىن ايتۋعا بولادى», دەپ اتاپ ءوتتى ا.شپەكباەۆ. سونىمەن قاتار باسقا قالالىق ازاماتتاردى قابىلداۋ ىڭعايلى ءارى قولجەتىمدى بولۋ ءۇشىن بەينەكونفەرەنتسبايلانىس ارقىلى جۇرگىزىلەدى. اگەنتتىك قىزمەتكەرلەرى قوعامدىق بەلسەندىلەردى قاتىستىرا وتىرىپ, ءموبيلدى قابىلداۋ بولمەلەرى شەڭبەرىندە «حالىقتىق زاڭگەر» قاعيداتى بويىنشا قۇقىقتىق كومەك كورسەتۋ ءۇشىن اۋىلدى جەرلەرگە بارىپ ءجۇر. ال اگەنتتىكتىڭ ازماتتارمەن كەرى بايلانىسىنىڭ تاعى ءبىر ارناسى – «اگەنتتىكتىڭ Call-ورتالىعى 1424» بولىپ وتىر.
ەۋروپانىڭ الدىڭعى قاتارلى ەلدەرىنىڭ تاجىريبەسى بويىنشا بۇگىندە ۇستانىمىنا بەرىك ازاماتتاردىڭ حابارلامالارىنىڭ نەگىزىندە دە قىلمىستىق ىستەر قوزعالۋدا. وسى جىل ىشىندە كەلىپ تۇسكەن 3,5 مىڭ قوڭىراۋدىڭ 600-گە جۋىعى تىركەلگەن. راستالعان فاكتىلەر بويىنشا 44 قىلمىستىق ءىس تەرگەلۋدە. وتكەن جىلمەن سالىستىرعاندا قوڭىراۋلار (2018 جىلدىڭ وسى ۋاقىت ارالىعىندا 388) جانە تەرگەلىپ جاتقان ىستەر (21) ءىس جۇزىندە ەكى ەسە وسكەنى بايقالادى. اگەنتتىك توراعاسى ا.شپەكباەۆ سوڭعى ءۇش جىلدا كەشەندى الدىن الۋ شارالارىنىڭ ناتيجەسىندە سىبايلاس جەمقورلىق قۇقىق بۇزۋشىلىقتاردىڭ سانى 14% ازايعانىن اتاپ ءوتتى. قىلمىستىڭ نەگىزگى بولىگى – پاراقورلىق (850), ۇرلىق (714) جانە بيلىكتى اسىرا پايدالانۋ (224) فاكتىلەرى. 1028 تۇلعا اشكەرەلەندى, ونىڭ 23-ءى رەسپۋبليكالىق جانە 86-سى وبلىستىق دەڭگەيدەگى باسشىلار. ال كەلتىرىلگەن زالالدىڭ مولشەرى ەداۋىر ارتقان – 23,2 ملرد تەڭگە (وتكەن جىلمەن سالىستىرعاندا 1,7 ەسەگە كوپ; 2018 جىلدىڭ 9 ايىندا 13,5 ملرد تەڭگە), ونىڭ 94%-ى وتەلگەن.
اليك شپەكباەۆ اگەنتتىكتىڭ مىندەتتەرىنە توقتالا كەلىپ ولاردىڭ باستىلارىنىڭ ءبىرى – سىبايلاس جەمقورلىقتىڭ جۇيەلىك فاكتىلەرىن ورىنداۋشىدان ۇيىمداستىرۋشىعا دەيىنگى قىلمىستىق سحەمانى انىقتاۋ ەكەندىگىن اتاپ ءوتتى. جىل باسىنان بەرى وسىنداي 92 جاعدايدىڭ جولى كەسىلىپ, 347 تۇلعا اشكەرەلەنگەن. مەملەكەتتىك باعدارلامالاردىڭ ىسكە اسىرىلۋىن باقىلاۋ ناتيجەسىندە 181 سىبايلاس جەمقورلىق قىلمىس تىركەلدى, 287 لاۋازىمدى تۇلعالاردىڭ بيزنەسكە زاڭسىز ارالاسۋ فاكتىلەرى انىقتالدى, 198 ادام جاۋاپكەرشىلىككە تارتىلدى, 85 ادام سوتتالدى, 282 كاسىپكەردىڭ قۇقىقتارى قورعالدى.
سونىمەن قاتار اگەنتتىك توراعاسى سىبايلاس جەمقورلىق قۇقىق بۇزۋشىلىق جاساعانى ءۇشىن قۇقىق قورعاۋ ورگاندارىنىڭ قىزمەتكەرلەرى مەن سۋديالارىن جاۋاپكەرشىلىككە تارتۋ بويىنشا جۇمىستار جۇرگىزىلىپ جاتقانىن ايتتى.
القادا ايتىلعانداي, ازاماتتار ءومىرىنىڭ ساپاسى مەن تابىسىن ارتتىرۋدىڭ باستى فاكتورلارىنىڭ ءبىرى – كاسىبي, ءتيىمدى, ەڭ باستىسى سىبايلاس جەمقورلىقتان ادا مەملەكەتتىك اپپاراتتى قالىپتاستىرۋ. الايدا ەڭبەكاقى تولەۋدىڭ جاڭا جۇيەسىنە كوشپەگەن مەملەكەتتىك ورگانداردا اتقارۋشىلىق قىزمەتتەگى 20 جىلدان استام جۇمىس ءوتىلى بار مەملەكەتتىك قىزمەتشىلەردىڭ قازىرگى ۋاقىتتاعى جالاقىسى – ەل بويىنشا ورتاشا كورسەتكىشتەن تومەن. مەملەكەتتىك قىزمەتتەردى تسيفرلاندىرۋ, مەملەكەتتىك ورگاندار قىزمەتىنىڭ اشىقتىعى مەن ايقىندىلىعىن ارتتىرۋ بويىنشا اتقارىلعان اۋقىمدى جۇمىستارعا, كەشەندى الدىن الۋ جانە جازالاۋ شارالارىنا قاراماستان, مەملەكەتتىك قىزمەتشىلەر جالاقىسىنىڭ قازىرگى دەڭگەيى سىبايلاس جەمقورلىقتى ازايتۋدى ايتارلىقتاي تەجەۋدە.
وتىرىستا پرەزيدەنت اكىمشىلىگى باسشىسىنىڭ ورىنباسارى مالىك مىرزالين ءسوز سويلەپ, مەملەكەتتىك اپپارات جۇمىسىنىڭ تيىمدىلىگىن ارتتىرۋ تاسىلدەرى تۋرالى ايتىپ ءوتتى. سول سياقتى القا جۇمىسىنا شىعىس قازاقستان وبلىسىنىڭ اكىمى دانيال احمەتوۆ, تۇڭعىش پرەزيدەنت – ەلباسى قورى اتقارۋشى ديرەكتورىنىڭ ورىنباسارى يگور روگوۆ, Nur Otan پارتياسىنىڭ حاتشىسى مارات سەمبەكوۆ, ۇلتتىق قوعامدىق سەنىم كەڭەسىنىڭ مۇشەسى, جازۋشى, رەجيسسەر ەرمەك تۇرسىنوۆ, قازاقستان رەسپۋبليكاسىنداعى بالا قۇقىقتارى جونىندەگى ۋاكىل, قوعام قايراتكەرى ارۋجان ساين جانە نۇر-سۇلتان, الماتى, شىمكەنت قالالارى مەن وبلىستار اكىمدەرىنىڭ ورىنباسارلارى, ورتالىق مەملەكەتتىك ورگانداردىڭ جاۋاپتى حاتشىلارى مەن اپپارات جەتەكشىلەرى, سونىمەن قوسا جۇرتشىلىقتىڭ, ۇكىمەتتىك ەمەس جانە جاستار ۇيىمدارىنىڭ وكىلدەرى قاتىستى.
