قوعام • 01 قاراشا، 2019

ءوزارا ىنتىماقتاستىق ماسەلەلەرى تالقىلاندى

18 رەت كورسەتىلدى

سىرتقى ىستەر مينيسترلىگىندە «قازاقستان رەسپۋبليكاسىندا تەرروريزم مەن ەكسترەميستىك امالدارعا قارسى قىلمىستىق ساياساتتى دامىتۋ شارالارى» دەگەن تاقىرىبىندا دوڭگەلەك ۇستەل وتىرىسى ءوتتى. وندا ەكسترەميستىك ءىس-ارەكەت پەن تەرروريزمگە قارسى ءىس-قيمىلدىڭ ساياساتىن جەتىلدىرۋ ماسەلەلەرى قارالدى.

اتالعان دوڭگەلەك ۇستەل جۇمىسى ءۇش باعىتتا جۇرگىزىلدى: ەكسترەميزم مەن تەرروريزمگە قارسى سالاداعى قىلمىستىق ساياسات; تەرروريزم جانە ەكسترەميستىك امالدارعا قارسى ارەكەت ەتۋ سالاسىنداعى مەملەكەتتىك ساياساتتى جۇزەگە اسىرۋ; ەكسترەميستىك جانە تەرروريستىك باعىتتاعى قىلمىس ءۇشىن حالىقارالىق پراكتيكاداعى جازالاردى قولدانۋ. دوڭگەلەك ۇستەل جۇمىسىنا قازاقستان رەسپۋبليكاسى باس پروكۋرورىنىڭ ورىنباسارى م. احمەتجانوۆ، قازاقستانداعى ەو ەلشىسى س. كارلسسون، قازاقستانداعى نيدەرلاند ەلشىسى ا. كارستەن جانە بۇۇ وكىلدەرى قاتىستى.

ءىس-شارا بارىسىندا قازاقستاندا بۇۇ-نىڭ 19 لاڭكەستىككە قارسى كونۆەنتسياسىن جۇزەگە اسىرۋ بويىنشا تالدامالى شولۋ ۇسىنىلدى جانە قازاقستان رەسپۋبليكاسىندا ەكسترە­ميستىك جانە تەرروريستىك باعىتتاعى قىل­مىستاردى تالداۋ بويىنشا زەرتتەۋ ناتيجەلەرى تانىستىرىلدى. سونداي-اق 29 قازان كۇنى سىرتقى ىستەر ءمينيسترى مۇحتار تىلەۋبەردى بۇۇ ەسىرتكى جانە قىلمىس جونىندەگى باسقارماسىنىڭ (بۇۇ ەقب) ورتالىق ازياداعى وڭىرلىك وكىلى اشيتا ميتتالمەن كەزدەسكەن ەدى.  سوندا تاراپتار قازاقستانداعى بۇۇ ەقب اعىمداعى جوبالارىن ىسكە اسىرۋدى، سونداي-اق ءوزارا ءىس-قيمىلدى ودان ءارى نىعايتۋ پەرسپەكتيۆالارىن تالقىلادى جانە كونترتەرروريزم مەن قىلمىستىڭ الدىن الۋ سالاسىنداعى جاڭا بىرلەسكەن جوبالاردى ىسكە قوسۋ تۋرالى ۋاعدالاستى. الماتىدا ەسىرتكى قۇرالدارىنىڭ، پسيحوتروپتىق زاتتار مەن ولاردىڭ پرەكۋرسورلارىنىڭ زاڭسىز اينالىمىنا قارسى كۇرەس جونىندەگى ورتالىق ازيا وڭىرلىك اقپاراتتىق ۇيلەس­تىرۋ ورتالىعىنىڭ ء(واواۇو) جۇمىس ىستەۋ ماسەلەلەرى قوزعالدى.

ەندى ا. ميتتال قازاقستانعا ساپارى ايا­سىندا بۇۇ ەقب دەلەگاتسياسىنىڭ قازاق­ستانداعى قىلمىستىق سوت تورەلىگى جۇيەسىن نىعايتۋ سالاسىنداعى مەملە­كەتتىك ورگانداردىڭ وكىلدەرىمەن كەزدە­سۋلەرى، سونداي-اق 2019 جىلعى 31 قازان مەن 1 قاراشا ارالىعىندا قاراعاندى وبلىسىنداعى پەنيتەنتسيارلىق مەكەمەلەرگە بارۋى جوسپارلانىپ وتىر.

قازىرگى ۋاقىتتا ەقب قازاقستاندا «ەكسترەميستىك جانە تەرروريستىك باعىت­تاعى قىلمىستارى ءۇشىن سوتتالعاندارمەن جۇمىس ىستەۋ بويىنشا كۇش-جىگەردى قول­داۋ جانە پەنيتەنتسيارلىق مەكە­مەلەردەگى زورلىق-زومبىلىقتى تۋىنداتاتىن راديكالداۋدىڭ الدىن الۋ» جانە «جۋسان» گۋمانيتارلىق وپەراتسياسى شەڭبەرىندە سيرياداعى سوعىس قي­مىلدارى ايماعىنان قايتارىلعان بالالارعا كومەك كورسەتۋگە باعىتتالعان بىرقاتار بىرلەسكەن جوبالاردى، «بالالاردى تەرروريستىك جانە اسكەري ەكسترە­ميستىك توپتارمەن ازعىرۋعا جانە پايدالانۋعا قاتىستى الدىن الۋ جانە ارەكەت ەتۋ شارالارى» جوباسىن جۇزەگە اسىرۋدا.

 

سوڭعى جاڭالىقتار

ۇنەمدى وندىرىسكە – ۇلكەن قادام

ەكونوميكا • بۇگىن، 08:44

قورشاعان ورتا قامى قوعامعا ورتاق

ەكولوگيا • بۇگىن، 08:42

قازاقى بولمىستى ءحارري پوتتەر

ادەبيەت • بۇگىن، 08:39

قالىپتى ومىرگە ورالۋ قادامى

قوعام • بۇگىن، 08:28

قارتتارىم امان-ساۋ ءجۇرشى...

قوعام • بۇگىن، 08:27

ۇلتتىق تاريح جانە وقۋلىق

ءبىلىم • بۇگىن، 08:19

«تاۋەلسىزدىك» تەورەماسى

رۋحانيات • بۇگىن، 08:17

كوشباسشىلىق كىلتى

قوعام • بۇگىن، 08:16

سەنگەنىمىز – شەتەل ۆاليۋتاسى...

ەكونوميكا • بۇگىن، 08:14

بورتە حانىم

رۋحانيات • بۇگىن، 08:10

قارا شاڭىراقتىڭ قاسيەتى

قوعام • بۇگىن، 08:08

ەلگە العىستارىن جەتكىزدى

قوعام • بۇگىن، 08:03

وزبەكستان نارىعىنا شىعادى

ەكونوميكا • بۇگىن، 07:55

قوسىلۋ شارتىنا قول قويدى

قوعام • بۇگىن، 07:54

قۇس شارۋاشىلىعى قولداۋ كۇتەدى

ەكونوميكا • بۇگىن، 07:51

مۇنايى مول ماڭعىستاۋ

ايماقتار • بۇگىن، 07:50

تاكەن جازعان اشتىق

تاريح • كەشە

ۇقساس جاڭالىقتار