م. ريۋتتەمەن كەزدەسۋ بارىسىندا ساۋدا-ەكونوميكالىق جانە ينۆەستيتسيالىق ىنتىماقتاستىقتى, ەنەرگەتيكا, قارجى, كولىك-لوگيستيكا, اۋىل شارۋاشىلىعى, ات, عىلىمي سالالارداعى ءوزارا ءىس-قيمىلدى ودان ءارى كەڭەيتۋ پەرسپەكتيۆالارى تالقىلاندى.
«تۇڭعىش پرەزيدەنت نۇرسۇلتان نازارباەۆ قازاقستاننىڭ نيدەرلاندىمەن تۇراقتى سەرىكتەستىك ءوزارا قارىم-قاتىناستارىنىڭ نەگىزىن سالدى. مەملەكەت باسشىسى قاسىم-جومارت توقاەۆ بەيبىتشىلىكتى جاقتاۋشى كوپۆەكتورلى سىرتقى ساياساتتىڭ ساباقتاستىعىن ساقتايدى جانە ەكىجاقتى ىنتىماقتاستىقتى نىعايتۋعا ەرەكشە كوڭىل بولەدى», دەدى ا. مامين.
نيدەرلاندى — قازاقستاننىڭ ەۋروپاداعى نەگىزگى ساۋدا-ەكونوميكالىق جانە ينۆەستيتسيالىق سەرىكتەستەرىنىڭ ءبىرى. تاۋەلسىزدىك جىلدارى نيدەرلاندىدان قازاقستانعا تىكەلەي ينۆەستيتسيالاردىڭ جالپى اعىمى $92 ملرد-تان استى. قازاقستاندا نيدەرلاندى كاپيتالىنىڭ قاتىسۋىمەن 900-دەن استام كاسىپورىن جۇمىس ىستەيدى. 2018 جىلدىڭ قورىتىندىسى بويىنشا ەكىجاقتى تاۋار اينالىمى $6,5 ملرد قۇرادى.
ءوز كەزەگىندە, م. ريۋتتە قازاقستان پرەمەر-ءمينيسترىنىڭ نيدەرلاندىعا رەسمي ساپارى ەكىجاقتى ىنتىماقتاستىقتى ودان ءارى دامىتۋعا ەلەۋلى سەرپىن بەرەتىنىنە سەنىم ءبىلدىردى.
قازاقستان رەسپۋبليكاسىنىڭ جانە نيدەرلاندى كورولدىگىنىڭ پرەمەر-مينيسترلەرى V قازاقستان‒نيدەرلاندى بيزنەس-فورۋمىنىڭ اشىلۋىنا قاتىستى, ونىڭ اياسىندا ەكى ەلدىڭ ۇكىمەت باسشىلارىنىڭ قاتىسۋىمەن 5 قۇجاتقا قول قويىلدى:
-
«K-Agro» قازاقستاندىق كومپانياسى مەن نيدەرلاندىلىق «Farm Frites» كومپانيالارى اراسىنداعى جامبىل وبلىسىندا فري كارتوبىن وندىرەتىن بىرلەسكەن كاسىپورىن قۇرۋ تۋرالى كەلىسىم. جوبانىڭ قۇنى — $145 ملن;
-
«قازاقستان عارىش ساپارى» ۇك» اق مەن «NEVASCO» كومپانيالار توبى اراسىنداعى جەردى قاشىقتىقتان زوندتاۋ (جقز) جانە گەواقپاراتتىق جۇيەلەر (گاج) سالاسىنداعى جوبالاردى ىسكە اسىرۋ بويىنشا ىنتىماقتاستىق تۋرالى كەلىسىم;
-
قازاق ۇلتتىق اگرارلىق ۋنيۆەرسيتەتى مەن «ۆاحەنينگەن» ۋنيۆەرسيتەتى اراسىنداعى قازاقستاندىق اگراري ستۋدەنتتەردى وقىتۋ بويىنشا ىنتىماقتاستىق تۋرالى مەموراندۋم. «ۆاحەنينگەن» ۋنيۆەرسيتەتى ‒ جاراتىلىستانۋ عىلىمدارى, تابيعي رەسۋرستاردى باسقارۋ, وسىمدىك شارۋاشىلىعى جانە مال شارۋاشىلىعى سالاسىنداعى الەمدەگى جەتەكشى ورتالىقتاردىڭ ءبىرى;
-
«تكش قازورتالىعى» اق-مەن «Witteven+Bos» اراسىنداعى كاناليزاتسيالىق تازارتۋ قۇرىلىستارىن سالۋ جانە رەكونسترۋكتسيالاۋ تۋرالى باعدارلامانى ىسكە اسىرۋ جونىندەگى ءوزارا تۇسىنىستىك تۋرالى مەموراندۋم;
-
«Dal Agro Park» پەن «Dutch Greenhouse Delta» اراسىنداعى تۇركىستان وبلىسىندا 200 گەكتار اگروپارك سالۋ بويىنشا ىنتىماقتاستىق تۋرالى مەموراندۋم.
فورۋمعا 200-گە جۋىق نيدەرلاندتىق جانە قازاقستاندىق بيزنەس وكىلدەرى قاتىستى. «بايتەرەك» ۇبح» اق, «قازمۇنايگاز» ۇك» اق, Aحقو, Deloitte, Shell, نيدەرلاندىنىڭ بيزنەس جانە جۇمىس بەرۋشىلەر كونفەدەراتسياسىنىڭ جانە ت.ب. وكىلدەرى ەكى ەل اراسىنداعى ساۋدا-ەكونوميكالىق جانە ينۆەستيتسيالىق ءوزارا ءىس-قيمىلدى دامىتۋ پەرسپەكتيۆالارى تۋرالى باياندادى. فورۋمعا قاتىسۋشىلار ءوز مۇمكىندىكتەرىمەن تانىستىرىپ قانا قويماي, سونىمەن بىرگە B2B (business-to-business) فورماتىندا الەۋەتتى سەرىكتەستەرمەن جۇمىس كەزدەسۋلەرى مەن كەلىسسوزدەر وتكىزدى.
پرەمەر-مينيستر Shell, Bitfury, SuezGroup, Farm Frites, Dutch Fruit Solutions نيدەرلاندتىق كومپانيالارىنىڭ وكىلدەرىمەن كەزدەسۋلەر وتكىزدى, ولارمەن قازاقستاندا ەنەرگەتيكا, دەرەكتەردى وڭدەۋ جانە بلوكچەين-تەحنولوگيالار, ءبىلىم بەرۋ, اۋىل شارۋاشىلىعى ونىمدەرىن وڭدەۋ جانە ت.ب. سالالارداعى جوبالاردى جۇزەگە اسىرۋدىڭ پەرسپەكتيۆالارى تالقىلاندى.
ۇكىمەت باسشىسى World Horti Centre حالىقارالىق جىلىجاي باعبانشىلىعىنا ارنالعان ءبىلىم جانە يننوۆاتسيالار ورتالىعىنا بارىپ, حايپەرلۋپ (Hyperloop) جاڭا كولىك جۇيەسىن ازىرلەۋمەن اينالىساتىن «Hardt Hyperloop» كومپانياسىنىڭ قىزمەتىمەن تانىستى, بۇل كولىك جۇيەسى جەڭىلدەتىلگەن بولات قۇبىرلار بويىمەن كاپسۋلا تۇرىندەگى شاعىن قايىقتاردا ساعاتىنا 1 مىڭ شاقىرىمعا دەيىن جىلدامدىقپەن جۇرۋگە مۇمكىندىك بەرەدى.
