كەڭەستى بۇۇ ەۋروپالىق ەكونوميكالىق كوميسسياسى جانە بۇۇ-نىڭ ەۋروپا مەن ورتالىق ازياداعى ايەلدەر ايماقتىق بولىمشەسى گەندەرلىك تەڭدىك ماسەلەلەرى بويىنشا كواليتسيامەن تىعىز ىنتىماقتاستىقتا ۇيىمداستىردى. قازاقستان دەلەگاتسياسىنىڭ قۇرامىندا قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەلەرى دينار نوكەتاەۆا, ەلەنا تاراسەنكو, ءاسيا حايرۋللينا بار.
«بەيجىڭ+25» ايماقتىق شولۋ كەڭەسىندە ومىردەگى بارلىق سالالارعا ايەلدەردىڭ بىردەي قاتىسۋىنا كەدەرگى كەلتىرەتىن قۇرىلىمدىق كەدەرگىلەردى جويۋعا كومەكتەسەتىن ساياساتقا ءىس جۇزىندە تاسىلدەردى كورسەتە وتىرىپ, قول جەتكەن جەتىستىكتەر مەن قالىپ قويعان وزەكتى ماسەلەلەر قارالادى. بۇل ەڭبەككە تەڭ اقى تولەۋدى, ءۇيدى كۇتۋ مەن اقى تولەنبەيتىن جۇمىستى تەڭ ءبولۋدى, بالا كۇتىمى جونىندەگى دەمالىس ساياساتىن, گەندەرلىك زورلىق-زومبىلىقتىڭ بارلىق تۇرلەرىن توقتاتۋدى جانە شەشىمدەر قابىلداۋعا تەڭ قاتىسۋمەن قوسا, باستى ماسەلەلەر بويىنشا بىرلەسكەن كۇش-جىگەردى ىنتالاندىراتىن بولادى.
كەڭەستە بۇۇ ەەك ايماعىندا ەرەكشە الاڭداۋشىلىق تۋعىزاتىن ماسەلەلەرگە ارنالعان سەگىز تاقىرىپتىق سەسسيا قامتىلادى.
سونداي-اق كەزدەسۋ قارساڭىندا ازاماتتىق قوعام فورۋمى بولدى. وندا بۇۇ ەەك-نىڭ بۇكىل ايماعىنان گەندەرلىك تەڭدىكتى جاقتاۋشىلاردىڭ ماتەريالدارى ۇسىنىلدى جانە قاراۋ جونىندەگى كەڭەستىڭ اشىلۋىندا بەرىلگەن ۇسىنىستار دايىندالدى.
