رۋحانيات • 30 قازان، 2019

«التىن قالام» جەڭىمپازدارى انىقتالدى

227 رەتكورسەتىلدى

الماتىداعى ىقىلاس اتىنداعى مۋزىكالىق اسپاپتار مۋزەيىندە  جىل سايىن ءداستۇرلى تۇردە ۇيىمداستىرىلىپ كەلە جاتقان «التىن قالام» ادەبي بايقاۋىنىڭ جەڭىمپازدارىن ماراپاتتاۋ سالتاناتى ءوتتى.

جۇلدە تىزىمىنە قازاقستاننىڭ ءار وڭىرىنەن  جانە شەتەلدەن قاتىسقان اۆتورلاردىڭ ورىس جانە قازاق تىلدەرىندە جازىلعان 30 شىعارماسى التى اتالىم بويىنشا ەنگىزىلدى.  

بايقاۋعا ۇسىنىلعان جۇمىستار 2019 جىلى ناۋرىزدىڭ 15-نەن باستاپ قىركۇيەك ايىنىڭ 15-نە دەيىن قابىلدانىپ، وقىرماندار عالامتور ارقىلى قازان ايىنىڭ 1-نە دەيىن داۋىس بەردى.

بيىلعى ۇيىمداستىرۋ كوميتەتى جانە قازىلار القاسى قۇرامىنا دوسىم ساتپاەۆ، ايدوس سارىم، ارمان شوراەۆ، نۇرجان مۇحامەدجانوۆا، راسۋل جۇمالى، كەنجە جۇمان ۇلى، قۋات دومباي، بەكنۇر قيسىقوۆ، بايعالي ەسەناليەۆ، دىلداگۇل نۇرماحانبەت، تاتيانا فيليپچيك جانە باسقالار ەندى. 

ادەبي سايىسقا قازاقستان، رەسەي، وزبەكستان، ۋكراينا، مولدوۆا، اقش، يزرايل، گەرمانيادا تۇراتىن 397 اۆتوردان 778 شىعارما كەلىپ ءتۇستى. ولاردىڭ بارلىعى جۇلدەنىڭ www.akalam.kz رەسمي سايتىنا ورنالاستىرىلدى.

بالالار جازۋشىلارىنا ارنالعان «دارابوز» بايقاۋىنىڭ باس جۇلدەسىن جانە «ZHERSU» ينۆەستيتسيالىق-وندىرىستىك كورپوراتسياسى  ۇسىنعان 1 000 000 تەڭگەنى قارلىعاش سارىباەۆا جەڭىپ الدى.

وقىرمانداردىڭ قولداۋى، قازىلاردىڭ تاڭداۋىمەن «جىلدىڭ ۇزدىك پوەزياسى» – اقتوبەلىك داۋرەن تىلەۋحانعا، «جىلدىڭ ۇزدىك پروزاسى» شىمكەنتتىك گۇلنار ىزتاەۆاعا، «جىلدىڭ ۇزدىك كينوستسەناريى جانە دراماتۋرگياسى» قۋانىش جيەنبايعا، «جىلدىڭ ۇزدىك ساتيراسى» اتىراۋدان كەلگەن اماندىق ساعىنتاي ۇلىنا، «جىلدىڭ ۇزدىك فانتاستيكاسى مەن دەتەكتيۆى» كەنتاۋلىق ورالبەك بەكبولاتقا تابىستالدى. ال حالىق جازۋشىسى، قازاقستاننىڭ ەڭبەك ەرى ءابدىجامىل نۇرپەيىسوۆكە «قازاق ادەبيەتىنە قوسقان ەلەۋلى ەڭبەگى ءۇشىن» جۇلدەسى بەرىلدى.

ورىس تىلىندە جازىلعان شىعارمالار بويىنشا «جىلدىڭ ۇزدىك پوەزياسىن» ولگا كۋۆشيننيكوۆا (وسكەمەن)، «دارابوز» – «جىلدىڭ ۇزدىك بالالار ادەبيەتىن» كسەنيا ەۆدوكيمەنكو (الماتى)، «ەسەنجول دومباي اتىنداعى ۇزدىك ساتيرانى» ەرلان كوشكىنباەۆ (الماتى)، «جىلدىڭ ۇزدىك فانتاستيكا جانە دەتەكتيۆىن» ءالنۇر قۇرمانعالي (الماتى)، «جىلدىڭ ۇزدىك كينوستسەناريى مەن دراماتۋرگياسىن» كسەنيا ەۆدوكيمەنكو يەلەندى.

 

الماتى

 

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار