بيىل كونكۋرسقا قاتىسۋعا 224 ءوتىنىم كەلىپ ءتۇستى, ونىڭ ىشىندە وڭىرلىك كەزەڭ بارىسىندا 57 جوبا تاڭداپ الىندى. الپىس شاقتى جوبانى قاراپ شىققان كوميسسيا مۇشەلەرى «قازاقستاننىڭ ۇزدىك الەۋمەتتىك جوبالارى» رەسپۋبليكالىق كورمەسىنىڭ قاتىسۋشىلارىن انىقتادى. ولاردىڭ ىشىندە الماتى قالاسىنان 4 جوبا, جامبىل وبلىسىنان 2 جوبا, شىمكەنت قالاسى, پاۆلودار, قوستاناي, الماتى, اقتوبە, تۇركىستان, باتىس قازاقستان جانە سولتۇستىك قازاقستان وبلىستارىنان 1 جوبادان بار.
كوميسسيا قۇرامىنا ەڭبەك جانە حالىقتى الەۋمەتتىك قورعاۋ مينيسترلىگىنىڭ وكىلدەرى, پارلامەنت دەپۋتاتتارى, كاسىپكەرلەر, ۇەۇ جانە باق باسشىلارى, سونداي-اق الەۋمەتتىك سالا ارداگەرلەرى كىردى. بيىلعى جىلى جوبالار «الەۋمەتتىك پروبلەمالاردى شەشۋدى اقپاراتتىق ىلگەرىلەتۋ», «الەۋمەتتىك سالاداعى ۆولونتەرلىك قوزعالىستى دامىتۋ», «تەڭ مۇمكىندىكتەردى قامتاماسىز ەتۋ», «مۇگەدەكتىگى بار ادامداردى قوسا العاندا, ازاماتتاردى جۇمىسپەن قامتۋعا كومەك كورسەتۋ» جانە «ومىرلىك قيىن جاعدايلاردى جەڭۋگە كومەك كورسەتۋ» باعىتتارى بويىنشا باعالاندى.
«كوميسسيا مۇشەلەرى مۇقتاج ازاماتتارعا ۆولونتەرلىك كومەك كورسەتۋگە, مۇگەدەكتىگى بار ادامداردى جاڭا داعدىلارعا ۇيرەتۋگە جانە مۇگەدەك بالالاردىڭ اتا-انالارىنا كۇتىم جاساۋعا باعىتتالعان جوبالاردى ەرەكشە اتاپ ءوتتى. سونىمەن قاتار وسى جىلى وتە قىزىقتى ەكولوگيالىق جوبا ۇسىنىلدى. ىرىكتەلگەن 14 جوبانىڭ ارقايسىسىن بۇكىل ەل بويىنشا ىسكە اسىرۋعا ەنگىزۋگە بولادى دەپ سەنىممەن ايتا الامىز. جىل سايىن بۇل كونكۋرس ۇلكەن تانىمالدىققا يە بولىپ, قاتىسۋشىلاردىڭ سانى ءوسىپ كەلەدى. مۇندا مۇگەدەكتىگى بار ادامدارمەن جۇمىس ىستەيتىن ۇەۇ ۇلكەن ءرول اتقارادى. ەڭ باستىسى مۇگەدەكتىگى بار ادامداردىڭ وزدەرى بەلسەندى ءومىر ءسۇرىپ قانا قويماي, قيىن ومىرلىك جاعدايعا تاپ بولعان باسقا ادامدارعا كومەكتەسۋ ءۇشىن جۇمىس ىستەيدى», – دەدى كوميسسيا توراعاسىنىڭ ورىنباسارى, پرەزيدەنتتىڭ شتاتتان تىس كەڭەسشىسى, «ەڭبەك رەسۋرستارىن دامىتۋ ورتالىعى» اق-نىڭ پرەزيدەنتى تامارا دۇيسەنوۆا.
كونكۋرس جەڭىمپازدارىن ماراپاتتاۋ ءراسىمى اعىمداعى جىلعى 1 قاراشادا نۇر-سۇلتان قالاسىنداعى تاۋەلسىزدىك سارايىندا, «قازاقستاننىڭ ۇزدىك الەۋمەتتىك جوبالارى» رەسپۋبليكالىق كورمەسىنەن كەيىن وتەدى.
كونكۋرسقا قاتىسۋعا 2013 جىلدان 2019 جىلعا دەيىن 1 192 ءوتىنىم كەلىپ تۇسكەنىن, ونىڭ ىشىندە 228 الەۋمەتتىك جوبا وڭىرلىك دەڭگەيدە جانە 19 رەسپۋبليكالىق دەڭگەيدە جەڭىمپاز دەپ تانىلعانىن اتاپ وتكەن ءجون.
