ءفيلمدى دايىنداۋعا تاپسىرىس بەرگەن – ماڭعىستاۋ وبلىستىق ءبىلىم باسقارماسى. دەرەكتى فيلم نەگىزىنەن وقۋشىلار مەن ستۋدەنتتەرگە ولكەتانۋ باعىتىندا, مۇعالىمدەرگە ادىستەمەلىك قۇرال رەتىندە, جالپى كورەرمەنگە تانىمدىق تۇرعىدا ارنايى دايىندالعاندىقتان, ونىڭ مازمۇنى مەن ساپاسى, كوركەمدىگى ساراپشىلار تاراپىنان مۇقيات قاداعالاندى. جاۋاپكەرشىلىكتى سەزىنگەن كەڭەس مۇشەلەرى بەلسەندى قاتىستى.
فيلم رەجيسسەرى اقبوبەك ءتولجان فيلم جوباسى جانە ءتۇسىرۋ جۇمىستارى تۋرالى قىسقاشا اقپارات بەردى.
50 مينۋتتىق «ۇيقىداعى ارۋدىڭ ويانۋى» دەرەكتى ءفيلمى كورسەتىلىپ, كەڭەستىڭ ەكىنشى جارتىسى ونىڭ مازمۇنى مەن ساپاسى, كوركەمدىگى تۇرعىسىنان تالقىلاۋعا ۇلاستى. ورىندى سىن-پىكىرلەر ايتىلىپ, ءالى دە تۇزەتۋلەر مەن تولىقتىرۋلار ەنگىزىلەتىن بولدى. كەڭەستە ايتىلعان پىكىرلەرگە شىعارماشىلىق توپتىڭ پروديۋسەرى ورالبەك سارىباسوۆ تا جاۋاپ بەردى. كوتەرىلگەن ماسەلەلەردىڭ ءبارى وڭىرلىك ساراپتاۋ كەڭەسىنىڭ حاتتاماسىنا ەنگىزىلدى.
ماڭعىستاۋ وبلىسى
